Некалькі дзесяткаў чалавек, якія прадстаўляюць сябе, як «жыхары Кіева» прыйшлі ў суботу да барыкады Майдана на скрыжаванні Хрышчаціка і вуліцы Б.Хмяльніцкага з намерам «навесці парадак у сталіцы».
Сярод іх як маладыя людзі спартовага целаскладу, так і людзі пенсійнага ўзросту.
Як перадаюць інфармагенцтвы, мітынгоўцы — прыхільнікі еўраінтэграцыі — мякка і безканфліктна не дазволілі «цітушкам» разабраць барыкаду. Актывісты Еўрамайдану сталі ў шэрагі звонку барыкады і перакрылі падыходы да яе.
Міліцыя ў акцыю не ўмешвалася, застаючыся ў баку.
Для прадухілення магчымых правакацый і сутыкненняў на месца падзей прыбылі народныя дэпутаты на чале з лідэрам партыі «Свабода « Алегам Цягнібокам.
Ніякіх канфліктаў паміж тымі, хто сабраўся па абодва бакі, пакуль не адбылося, людзі абмяжоўваюцца дыскусіямі і абменам думкамі.