Улада44

Удары з-за вугла

Улады ўжываюць напярэдадні Эўрапейскага Маршу сваю звыклую тактыку: яны хапаюць дзеячоў апазыцыі і зьвінавачваюць іх у нецэнзурнай лаянцы. За кратамі, сярод іншых, аказалася Анжаліка Борыс. Паводле міліцыянтаў, яна брыдкасловіла, як і ўсе астатнія затрыманыя.

Улады ўжываюць напярэдадні Эўрапейскага Маршу сваю звыклую тактыку: яны хапаюць дзеячоў апазыцыі і зьвінавачваюць іх у нецэнзурнай лаянцы. Такім чынам яны спадзяюцца запалохаць патэнцыйных удзельнікаў маніфэстацыі. Улады звычайна ўнікалі затрыманьняў у дні дэманстрацый, на вачах у СМІ і замежных дыпляматаў. Ціхія затрыманьні на пэрыфэрыі паводле абразьлівых абвінавачваньняў выклікаюць гідлівую рэакцыю грамадзтва.

Гарадзенская міліцыя затрымала журналіста часопісу «Magazyn polski na emigracji» Ігара Банцара. Дзеяч польскай нацыянальнай меншасьці ў Беларусі дастаўлены ў аддзел міліцыі.

Як паведаміла «Польскаму радыё» старшыня Саюзу палякаў Беларусі Анжаліка Борыс, Ігар Банцар быў затрыманы на тралейбусным прыпынку ў Горадні. Міліцыя пацьвердзіла факт затрыманьня, спаслаўшыся на тое, што Банцар падазраецца ў дробным хуліганстве.

Гадзіну пазьней, рэдактар часопісу «Magazyn polski na emigracji» Анджэй Пачобут паведаміў, што падчас спробы наведаць Ігара Банцара была затрыманая й Анжаліка Борыс.

Польскае радыё для замежжа

Каля 12‑й ночы 10 кастрычніка Генэральны консул Польшчы ў Горадні Анджэй Крэнтоўскі пакінуў Ленінскі РАУС, куды ён прыходзіў, паколькі была затрыманая Анжаліка Борыс — старшыня Саюзу палякаў, які не прызнаецца ўладамі.

Як паведаміў нашаму Радыё яе намесьнік Мечыслаў Яскевіч, спадарыня Борыс запатрабавала адваката, ёй прапанавалі толькі дзяржаўнага, а ўрэшце рэшт пасадзілі на ноч у міліцэйскі ізалятар. Абвінавачаньне звычайнае: яна, паводле міліцыянтаў, «брыдкасловіла».

Radio Free Europe / Radio Liberty

МЗС Польшчы пратэстуе супраць затрыманьня актывістаў СПБ

У адмысловай заяве Міністэрства замежных спраў Польшчы выказала «занепакоенасьць і пратэст супраць незаконнага затрыманьня» Ігара Банцара і Анжалікі Борыс.

«Захады беларусіх уладаў ня сьведчаць аб жаданьні падтрымліваць добрасуседзкія дачыненьні з Польшчай», — гаворыцца ў заяве польскага МЗС.

Radio Free Europe / Radio Liberty

У Мазыры затрыманы мясцовы лідэр БХД

Увечары 10 кастрычніка ў Мазыры затрымалі каардынатара аргкамітэта па стварэнні партыі «Беларуская хрысціянская дэмакратыя» Паўла Наздру.

Як паведаміў Рацыі сакратар аргкамітэта БХД Дзяніс Садоўскі, Павел Наздра паспеў сказаць яму па тэлефоне, што яго затрымалі невядомыя, якія прадставіліся супрацоўнікамі міліцыі, але пры гэтым не паказалі ніякіх пасведчанняў. Садоўскі мяркуе, што Наздру павезлі ў Мазырскі РУУС. Зараз месцазнаходжанне актывіста БХД высвятляецца.

Лявон Ждановіч, Радыё Рацыя

Калі 21 гадзіны ў Горадні затрымалі Міколу Лемяноўскага — удзельніка Рады гарадзкой арганізацыі партыі БНФ. Яго даставілі ў Ленінскі РАУС.

Мікола Лемяноўскі паведаміў нашаму Радыё, што на чыгуначным вакзале да ягонай машыны падыйшлі два міліцыянты: прапаршчык Самонічаў і старшына Навіцкі, яны сказалі, што на яго паступіла скарга. Разам зь міліцыянтамі ён мусіў ехаць у пастарунак сваёй машынай, там на яго пачалі складаць пратакол з фармулёўкай «за нецэнзурную лаянку».

Radio Free Europe / Radio Liberty

А вось Вадзіма Саранчукова ад міліцыянтаў адбіла жонка. Кіраўнік гарадзкой арганізацыі Партыі БНФ заўважыў каля пад’езду міліцэйскую машыну. Зь яго словаў, міліцыянты за ім ўбеглі нават у кватэру, але жонка дапамагла яму адбіцца, і цяпер ён на свабодзе.

Смаргонь: Аблога хаты грамадзкага актывіста працягвалася ўсю ноч

Сёньня раніцай Алесь Дзергачоў паведаміў праз тэлефон, што міліцэйская машына стаяла побач зь ягоным домам усю ноч. Час ад часу міліцыянты хадзілі зь ліхтарыкамі пад вокнамі.

А 8‑ай раніцы прыехала іншая машына. Зараз міліцыянты працягваюць дзяжурыць побач зь ягоным домам

Алесь Дзергачоў маецца сёньня ізноў зьвяртацца са скаргай да пракурора.

Міліцыянты абвінавачваюць яго ў тым, што ўчора раніцай ён выгульваў свайго сабаку і нібыта некага пакрыўдзіў.

Ад абеду ўчорашняга дня Алесь Дзергачоў замкнуўся ў сваёй хаце і не адчыняе міліцыянтам дзьверы. Ён перакананы, што яго хочуць ізаляваць, каб ён не паехаў у Менск на Эўрапейскі марш, які павінен адбыцца ў нядзелю 14 кастрычніка.

Radio Free Europe / Radio Liberty

У Мазыры затрымалі Паўла Наздру

Увечары 10 кастрычніка ў Мазыры затрымалі каардынатара аргкамітэта па стварэнні партыі «Беларуская хрысціянская дэмакратыя» Паўла Наздру.

Як паведаміў Рацыі сакратар аргкамітэта БХД Дзяніс Садоўскі, Павел Наздра паспеў сказаць яму па тэлефоне, што яго затрымалі невядомыя, якія прадставіліся супрацоўнікамі міліцыі, але пры гэтым не паказалі ніякіх пасведчанняў. Садоўскі мяркуе, што Наздру павезлі ў Мазырскі РАУС. Зараз месцазнаходжанне актывіста БХД высвятляецца.

«Радыё Рацыя»

Берасьце: затрыманьне за налепкі

Увечары 10 кастрычніка супрацоўнікі мілыцыі затрымалі прыхільніка Руху «За Свабоду» Юрку Бакура і Інгу Абрамаву нібыта за наклейванне налепак з запрашэннем узяць удзел у нядзелю 14 кастрычніка ў дазволеным уладамі ў Мінску Еўрапейскім маршы.

Ноч маладыя людзі правялі ў ізалятары часовага ўтрымання пры Ленінскім раённым аддзеле ўнутраных спраў.

Мілінкевіч: рэжым радыкалізуецца

Аляксандар Мілінкевіч асуджае нічым не абгрунтаваныя затрыманні і палітычна матываваныя прысуды дэмакратычным актывістам у Мінску, Гомелі, Гродне, Віцебску і іншых гарадах Беларусі.

«Сілавы блок рэжыму ўсё больш радыкалізуецца. Новая хваля рэпрэсіяў напярэдадні Еўрапейскага маршу паказвае, што ўлады не хочуць ісці на раўнапраўны і ўзаемапаважлівы дыялог з дэмакратычным грамадствам.

Пачатак еўрапейскага дыялогу з беларускім рэжымам магчымы толькі пры ўмове вызвалення палітвязняў і спынення рэпрэсіяў. Дыялог з такім рэжымам павінен заўсёды грунтавацца на высокіх маральных прынцыпах».

milinkevich.org

Каментары4

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Што за 17-гадовы стартапер, які выліў цэбар хлусні на Лібера на радасць беларускім спецслужбам18

Што за 17-гадовы стартапер, які выліў цэбар хлусні на Лібера на радасць беларускім спецслужбам

Усе навіны →
Усе навіны

Байкер з хвастом. Брэсцкі джэк-расэл на матацыкле стаў зоркай TikTok2

У Офісе Ціханоўскай працуе выкладчык з Даніі. Ён расказаў, чаму кінуў камфортнае жыццё і заняўся беларускай справай27

Як за год змяніліся цэны на нерухомасць у буйных гарадах. Сталіца не ў лідарах росту

Мелоні і Макрон пасварыліся наконт Украіны. Мерц стараецца іх памірыць5

Правы кандыдат Сіміён нечакана прайграў на выбарах прэзідэнта Румыніі і ўжо прызнаў паразу3

Фермеры наракаюць: ураджай будзе малы. Такіх частых замаразкаў не назіралі апошнія 30 гадоў5

У Джо Байдэна знайшлі рак у агрэсіўнай форме3

У Польшчы ў другі тур выходзяць мэр Варшавы Тшаскоўскі і гісторык Наўроцкі 32

Экзіт-полы ў Румыніі: Цэнтрыст Дан перамагае на выбарах са значным адрывам15

больш чытаных навін
больш лайканых навін

Што за 17-гадовы стартапер, які выліў цэбар хлусні на Лібера на радасць беларускім спецслужбам18

Што за 17-гадовы стартапер, які выліў цэбар хлусні на Лібера на радасць беларускім спецслужбам

Галоўнае
Усе навіны →

Заўвага:

 

 

 

 

Закрыць Паведаміць