Цягам правядзення супрацоўнікамі АБЭЗ Крупскага РАУС аператыўна-вышуковых мерапрыемстваў і суправаджэння інвестыцыйнай праграмы на 2012 год у сферы будаўніцтва выяўлены факт злоўжывання службовымі паўнамоцтвамі 59-гадовым дырэктарам інвестыцыйна-будаўнічага камунальнага ўнітарнага прадпрыемства «УКБ-Крупкі».
Як паведамілі ва УУС Мінскага аблвыканкама, галоўны будаўнічы чыноўнік раёна падазраецца ў тым, што ў снежні 2012 года, з'яўляючыся службовай асобай, наўмысна і насуперак інтарэсам службы, з асабістай зацікаўленасці, каб пазбегнуць дысцыплінарнай адказнасці за невыкананне прагнозных паказчыкаў па прыцягненні інвестыцый у асноўны капітал на 2012 год, аформіў падложныя дакументы аб выкананых падраднай арганізацыяй работах на аб'екце «50-кватэрны жылы дом сацыяльнага прызначэння ў горадзе Крупкі» за снежань 2012 года ў суме больш чым 260 млн. рублёў, чым прычыніў урон дзяржве ў асабліва буйных памерах.
Крупскім раённым аддзелам Следчага камітэта ў дачыненні да чыноўніка, які фактычна курыруе ўсе будаўнічыя работы ў Крупскім раёне, распачата справа па ч. 3 арт. 424 Крымінальнага кодэкса.
