З поўначы Скандынаўскага паўвострава ў паўднёва-ўсходнім напрамку рухаецца халодны антыцыклон. Ужо 24 студзеня яго цэнтр можа апынуцца над Ленінградскай вобласцю, зазначыла галоўны сіноптык Белгідрамета Людміла Парашчук.
Rimgaudas Barauskis
У пятніцу тэмпература паветра ўначы складзе мінус 14—21 градус, месцамі будзе ад мінус 22 да 25 градусаў, удзень — мінус 10—17 градусаў.
У выхадныя маразы дасягнуць максімуму.
Тэмпература паветра ўначы чакаецца ў межах 17—23 градусаў марозу, месцамі будзе мінус 24—29 градусаў, у сярэдзіне дня 11—17 градусаў са знакам мінус.
«Такі тэмпературны фон на 8—13 градусаў ніжэйшы за кліматычную норму», — адзначыла галоўны сіноптык.
У пачатку наступнага тыдня істотных змен у сінаптычнай сітуацыі не будзе і халоднае надвор'е захаваецца.
Уначы чакаецца мінус 17—23 градусы, па паўночным усходзе месцамі — ад 24 да 27 градусаў марозу, у дзённыя гадзіны будзе 11—16 градусаў са знакам мінус.
У паўднёва-заходніх раёнах ноччу прагназуецца мінус 12—16 градусаў, днём — ад 7 да 10 градусаў марозу.