12.10.2007 / 10:33

Лукашэнку запрашаюць у Оксфард 5

Дыскусійнае таварыства Оксфардзкага ўнівэрсытэту мае намер запрасіць Аляксандра Лукашэнку выступіць на форуме аб свабодзе слова, які адбудзецца у канцы лістапада.

Дыскусійнае таварыства Оксфардзкага ўнівэрсытэту мае намер запрасіць Аляксандра Лукашэнку выступіць на форуме аб свабодзе слова, які адбудзецца у канцы лістапада. Пра гэта заявіў у інтэрвію брытанскай газэце The Guardian кіраўнік Оксфадзкага дыскусійнага таварыства Люк Трыл. Праўда, кампанія Лукашэнку падбіраецца ніякаватая: ён мае выступіць перад студэнтамі ўнівэрсытэту пасьля Дэвіда Ірвінга, гісторыка, які адмаўляе Галакост, і лідэра ультранацыяналістчнай, не рэпрэзэнтаванай у парлямэнце Нацыянальнай партыі Брытаніі Ніка Грыфіна.

«Дыскусійнае таварыства Оксфардзкага ўнівэрсытэту вядомае сваёй прыхільнасьцю да свабоды слова, і хоць я думаю, што гэтыя людзі выказваюць жудасныя і агідныя погляды, я пэўны, што оксфардзкія студэнты досыць разумныя, каб кінуць ім выклік і падняць на сьмех», — адказаў Трыл.

ХАЙ ЛЮДЗІ ЎБАЧАЦЬ ВАШЫМІ ВАЧЫМА: зьмясьціце на nn.by Вашы фоты і паведамленьні: web@nn.by, 29-707-73-29, 29-613-32-32, 17-284-73-29.

Оксфардзкае дыскусійнае таварыства мае векавыя традыцыі. Яго публічныя дыскусіі зьбіраюць сотні студэнтаў. Паўдзельнічаць у гэтых дэбатах, якія маюць свае строгія правілы, прыяжджаюць палітыкі, бізнэсоўцы, інтэлектуалы. Выпрацаваны спэцыяльны кодэкс дэбатаў. Дзякуючы ім, студэнты выпрацоўваюць талент публічнае дыскусіі. Па выніках дыскусіі публіка галасуе за адзін ці другі бок, выходзячы празь левыя ці правыя дзьверы.

Застаецца пытаньне, ці А. Лукашэнка прыме прапанову Оксфарду, ці не збаіцца спрэчкі на роўных. У Беларусі любыя публічныя дыскусіі згорнутыя. Нават перад прэзыдэнцкімі выбарамі А. Лукашэнка ні разу не наважыўся на дэбаты з сваімі праціўнікамі.

Калі ж А. Лукашэнка апрыме прапанову, то ня факт што Брытанія выдасьць яму візу. Оксфард яшчэ не даслаў афіцыйнага запрашэньня, а Форын Офіс ужо папярэдзіў пра сваё нежаданьне ўпускаць у краіну кіраўніка, якога лічаць зланамераным.

Мікола Бугай

0
pan Brudas / Адказаць
12.10.2007 / 12:05
Узяўся за малако - свабода слова прапала...
0
янка-спадар / Адказаць
12.10.2007 / 12:10
не паедзе - 100 адсодкаў. Брытанцаў зайздрасць схапіла пасля выступу Ахмадзінеджада ў Амерыке, дык яны цяпер палахаць з еўрапескага пудзіла хочуць. Цікава, а што б сказаў наш? Напэўна, што ў Беларуі няма лесбіянак.
0
PLINFA / Адказаць
12.10.2007 / 17:13
Не пустят, вот и не поедет. Он когда прикинулся больным и в Австрию приехал, их газеты и народ на уши встали - диктатор им не нужен. кстаи, этот больной гулял там у хакей. Фотки есть.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру