12.10.2007 / 15:04

Ці мусіць Дзяніс Дзянісаў вяртаць грошы, атрыманыя для закладу? 32

Прэтэнзіі да былога палітвязьня мае Жана Ямайкіна, каардынатарка кампаніі «Падары свабоду палітвязьню».


Дзяніс Дзянісаў

Прэтэнзіі да былога палітвязьня мае Жана Ямайкіна, каардынатарка кампаніі «Падары свабоду палітвязьню».

Нагадаем, што неабходную суму сябры і знаёмыя Дз. Дзянісава зьбіралі на працягу некалькіх тыдняў. У выніку актывіста незарэгістраванага руху «Бунт» у красавіку, выпусьцілі пад заклад.

Потым паўстала пытаньне вяртаньня грошай ахвярадаўцам. Спн. Ямайкіна, якая займалася зборам сродкаў, пачала турбаваць Дзянісава, доўгі час не магла зь ім убачыцца. Напрыканцы жніўня яна ўрэшце зьвязалася зь Дзянісам. Высьветлілася, што Дзяніс заклад забраў, але... быў абрабаваны невядомымі. «Учора я іх атрымаў, але пакуль ішоў дамоў, на мяне напалі трое, зьбілі і адабралі грошы», — перадае словы Дзянісава Жана. Паводле яго словаў, піша дзяўчына, Дзянісаў быў адзін, у міліцыю не зьвяртаўся, бо палічыў гэта марнай справай — нібыта не запомніў у цемры твараў нападнікаў.

ХАЙ ЛЮДЗІ ЎБАЧАЦЬ ВАШЫМІ ВАЧЫМА: зьмясьціце на nn.by Вашы фоты і паведамленьні: web@nn.by, 29-707-73-29, 29-613-32-32, 17-284-73-29.

«Мне не хапіла ні фізычных, не душэўных сілаў правяраць ягоныя словы» — кажа Жанна. Яна нават не зьвярталася да сваякоў Дзяніса. Ж. Ямайкіна не выключае магчымасьці нападу на Дзяніса, але й ня надта яму давярае і прыводзіць наступны аргумэнт: «Пасьля той сустрэчы я даведалася ад людзей, што ахвяравалі сродкі, наступнае: на пытаньне, ці можа Дзяніс вярнуць грошы, той адказваў — грошы ў Ямайкінай і яна іх ужо раздае».

Паводле яе зьвестак, Дз. Дзянісаў цяпер у Польшчы, дзе вучыцца па праграме Каліноўскага і нават «прэтэндуе на лідэрства ў адной з моладзевых арганізацыяў».

Варта нагадаць, што гэта ня першая гісторыя, зьвязаная зь Дзянісавым. У ліпені 2006 г. у Інтэрнэце зьявілася інфармацыя пра выкраданьне Дзяніса. Яго нібыта затрымалі невядомыя і вывезьлі на тэрыторыю Расеі. Уся інфармацыя пра тое выкраданьне грунтавалася на словах самога затрыманага, бо сьведкаў здарэньня нібыта не было. Але ў праўдзівасьці гісторыі тады сумняваўся нават шмат хто з паплечнікаў Дзянісава.

Сямён Печанко

0
Гарлівы / Адказаць
12.10.2007 / 15:14
тонка адчувае, з кім варта разлічвацца, а з кім не. Талковвы шчырабеларускі палітык. Ёсць каму замяніць рэжым, калі што якое.
0
Pilecki / Адказаць
12.10.2007 / 15:29
Наша Ніва пачынае друкаваць плёткі... Жаўцеем, спадарства. Восень, як-ніяк.
0
Aleś Jurkaviec / Адказаць
12.10.2007 / 15:31
Мярзоты хапае ўсюды, у тым ліку і ў асяродзьдзі беларускай апызыцыі. Хоць не заўсёды яна выяўляе сваю сутнасьць так адкрыта, цынічна і нахабна.
Паказаць усе каментары/ 32 /
Каб пакінуць каментар, калі ласка, актывуйце JavaScript у наладах свайго браўзеру