29.01.2014 / 13:59

Беларусь — у тройцы самых нафтазалежных краін свету 7

Беларусь заняла трэцяе месца ў рэйтынгу найбольш залежных ад нафты эканомік, падрыхтаваным агенцтвам Bloomberg.Рэйтынг складзены на аснове працэнтных адносінаў нафтавага экспарту да ВУП краіны. Усе дзяржавы, якія ўлічвае Bloomberg, ранжыраваныя зыходзячы з тэмпаў прыросту нафтавага складніка ў ВУП за 25 гадоў (з 1993 па 2018 гады).

Згодна з рэйтынгам, у 1993 годзе нафтавы складнік (аб'ём нафтавага экспарту) Беларусі быў на ўзроўні 0,5% да ВУП. Блізу 2018 года, згодна з прагнозамі экспертаў Bloomberg, доля нафтавага экспарту да ВУП дасягне ў Беларусі 13,9%. Такім чынам, паводле ацэнак аўтараў рэйтынгу, нафтавы складнік да ВУП вырасце ў Беларусі на 13,4 працэнтнага пункта за 25 гадоў.

Першае месца па тэмпах прыросту нафтавага складніка да ВУП у рэйтынгу Bloomberg заняла Лівія, другое — Сінгапур.

Афіцыйныя статзвесткі Беларусі пацвярджаюць, што магчымасці беларускай эканомікі генераваць валютную выручку шмат у чым залежаць ад сітуацыі ў нафтавай сферы.

Паводле звестак за студзень—лістапад 2013 года, экспарт беларускіх нафтапрадуктаў склаў 9,31 млрд. долараў. Акрамя гэтага, у названы перыяд Беларусь экспартавала нафты на 1,13 млрд. долараў.

Калі ўлічыць, што сукупныя валютныя паступленні Беларусі ад экспарту тавараў у студзені—лістападзе склалі 32,54 млрд. долараў, то відавочна: нафтавы складнік займае прыблізна траціну ў сукупнай валютнай выручцы Беларусі, што паступае ад экспарту.

Тым часам беларускія ўлады вядуць перамовы аб павелічэнні аб'ёмаў перапрацоўкі расійскай нафты на сваёй тэрыторыі.

0
LMI / Адказаць
29.01.2014 / 14:05
У той Лібіі хоць нафта есьць
0
Кожны 3 / Адказаць
29.01.2014 / 14:38
Гэта Пабеда!!!!
0
Libertarian / Адказаць
29.01.2014 / 15:19
"Нафта -- сонца ня ўзыдзе заўтра!" -- (с) Ляпіс Трубяцкі. А хутка дадасца і ўраназалежнасьць. У будучыню на задняй перадачы, ура, ура, ура, таварышы!!!! А вось, што трэба, какб сонца для нашых дзяцей калісьці ўзышло. http://reenergy.by/ Але пакуль працуе маскоўская каланіяльная праграма -- нема шанцаў. Так толькі для выгляду -- пару жылых дамоў у Гародні, ды й тое з далёка не найлепшымі тэхналёгіямі, магчыма каб паказаць, што нафцегазуатаму альтэрнатывы няма.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру