29.01.2014 / 22:19

Цэны на сацыяльныя паслугі выраслі на 40%, пенсіянеры скардзяцца 4

У рэдакцыю «Нашай Нівы» звярнуўся чытач Павел Давыдзенка, які жыве ў пасёлку гарадскога тыпу Парычы, што ў Светлагорскім раёне. Яго абурае, што ад сярэдзіны студзеня на 40% падняліся кошты на паслугу сацыяльнага супрацоўніка.

«Мы з жонкай жывем удваіх, абое — інваліды другой групы, — кажа спадар Давыдзенка. — Я ветэран працы, а таксама ветэран Чарнобыля. І мы даведаліся, што за паслугу сацыяльнага супрацоўніка цяпер давядзецца плаціць не сто тысяч рублёў, як тое было раней, а сто сорак тысяч, што для нас шмат. Сацыяльны супрацоўнік прыходзіць да нас два разы на тыдзень, прыносіць малако, паўхлеба, іншыя прадукты. Я пацікавіўся, чаму паслуга так падаражэла — мяне накіравалі ў Гомельскі аблвыканкам».

Па словах спадара Давыдзенкі жыццё ў Парычах увогуле непростае. Калі выклікаць «хуткую дапамогу», то яна ў вёску дабіраецца дзве з паловай гадзіны. Вялікую частку грошай з’ядаюць лекі.

У Гомельскім аблвыканкаме «НН» патлумачылі, што цэны на сацыяльных супрацоўнікаў узнялі, бо апошнія змены ў цэнах былі ажно два гады таму.

«Насамрэч, з 18 студзеня цэны павялічыліся, — кажа начальніца аддзела развіцця сацыяльнага абслугоўвання і сацыяльнай дапамогі Наталля Суздалева. — Аднак лічба змянілася не вельмі моцна. Калі раней паслуга каштавала 2400 рублёў за гадзіну, то цяпер — 3500 рублёў. Льготы ў нас маюць адзінокія і малазабяспечаныя грамадзяне».

ЮУ

0
Mateusz Baran / Адказаць
30.01.2014 / 11:03
Я не зразумеў з артыкула, колькі каштуе сацыяльная паслуга - сто сорак тысяч рублёў ці тры тысячы пяцьсот, розніца на дзьве ступені.
0
11 / Адказаць
31.01.2014 / 13:07
3500 рублеу у час = 140000 - у месяц. Неяк так.
0
Кнехт / Адказаць
01.02.2014 / 12:44
Праблема ў тым, што ніхто не хоча ісці ў сацыяльныя работнікі і за такія (павялічаныя на 40% грошы). Але ж пенсіянеры, якія самі працавалі ўсё жыццё на дзяржаву задарма, патрабуюць і ад сучаснікаў такой жа ахвярнасці. Толькі сёння няма ахвочых за капейкі хадзіць у той смырод і слухаць той маразм ...
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру