31.01.2014 / 14:50

Анатолю Грыцкевічу – 85 5

Рэдкі прыклад: вядомымі гісторыкамі сталі абодва браты Грыцкевічы.

Малодшы, Валянцін, які памёр летась, доўгія гады жыў у Санкт-Пецярбургу. Ён займаўся гісторыяй беларускай медыцыны, вывучаў дзейнасць беларускай інтэлігенцыі ў замежжы, аспекты крыніцазнаўства, музеязнаўства і гісторыі турызму.

Яго старэйшы брат Анатоль нарадзіўся 31 студзеня 1929 года ў Мінску.

Доктар гістарычных навук, прафесар, ён даследаваў гісторыю прыватнаўласніцкіх гарадоў Беларусі часоў Рэчы Паспалітай. Пазней пісаў гістарычныя нарысы пра Аршанскую бітву, паўстанне Тадэвуша Касцюшкі і Слуцкі збройны чын.

Летась у «залатой серыі» «Беларускага кнігазбору» выйшла «Выбранае» Анатоля Грыцкевіча.

У яго ўвайшлі даследаванні «Беларуская шляхта» і «Янычары ў Беларусі», а таксама праца, прысвечаная барацьбе за Беларусь у 1918-1921 гады.

«НН» далучаецца да віншаванняў!

ГК

0
Лявон Баршчэўскі / Адказаць
31.01.2014 / 15:07
Мае самыя шчырыя віншаваньні легендзе нашай гістарычнай навукі, паважанаму спадару Анатолю!
0
Любоў Уладыкоўская / Адказаць
31.01.2014 / 15:25
На рэдкасць прыстойнаму і шляхетнаму чалавеку, бліскучаму вучонаму, шчыраму патрыёту складаю найлепшыя зычэнні моцнага здароўя!
0
Ч.А. / Адказаць
31.01.2014 / 16:30
У дадатак да сказанага хачу заўважыць, што спадар Анатоль зяўляецца сябрам Кансэрватыўна-Хрысьціянскай Партыі--БНФ, удзельнічае ў адраджэнскім руху.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру