31.01.2014 / 20:54

Ужо як мінімум два фанаты БАТЭ асуджаныя за акцыю салідарнасці з Украінай 22

На вечар пятніцы вядома, што мінімум двое фанатаў футбольнага клуба БАТЭ правядуць у ізалятары часовага ўтрымання пяцёра сутак за акцыю падтрымкі Майдану.

«Наша Ніва» паведамляла пра першага затрыманага ў абед, аднак высветлілася, што гэта не адзіны выпадак.

«Сёння быў яшчэ адзін суд над фанатам футбольнага клуба БАТЭ. Хлопцу патэлефанавалі дадому і запрасілі на размову. Пасля таго, як чалавек папрасіў выслаць яму позву, супрацоўнікі міліцыі прыехалі і забралі з дому.

Пасля адведзеных па законе трох гадзін «да высвятлення асобы» ў Барысаўскі ГАУС паехаў бацька хлопца з адвакатам. У аддзеле паведамілі, што затрыманага разам з матэрыяламі справы павезлі ў суд. Наступныя дзве гадзіны адмаўляліся наогул паведамляць пра яго месцазнаходжанне.

Да чалавека не дапускалі адваката, як і ў папярэднім выпадку, яго па-ціхаму прывезлі ў суд і асудзілі. І гэта ў прысутнасці ў судзе бацькі і адваката», — паведамляе сайт belultras.by.

Адзін з фанатаў БАТЭ паведаміў «Нашай Ніве»: «Нашых знаходзяць праз Укантакце. Параўноўваюць фота ды вызвоньваюць. Клоўны. Давялося выдаляць старонку ды ствараць новую».

На фанацкіх форумах Укантакце праходзяць паведамленні, што яшчэ ў пачатку тыдня супрацоўнікі праваахоўных органаў прыходзілі да фанатаў «Дынама», якія таксама выказаліся ў падтрымку Майдану.

Фанаты БАТЭ зладзілі сваю акцыю салідарнасці з Украінай на мінулых выхадных. Каля дваццаці чалавек сфатаграфаваліся з бел-чырвона-белым сцягам і плакатамі «Трымайся, Украіна, мы з табой» і «Слава героям». Фоткі трапілі ў інтэрнэт, дзе былі пазітыўна ўспрынятыя.

Наколькі вядома «Нашай Ніве», затрыманым інкрымінуюць не мацюкі (дробная хуліганка), а ўдзел у несанкцыянаванай масавай акцыі, палітычны артыкул.

Зміцер Панкавец

0
LMI / Адказаць
31.01.2014 / 21:18
Сапраўды - калі чалавек дэбіл, ды яшчэ калі такіх дэбілаў назбіралі ў кучу - гэта невылечны маразм
0
Siarzhuk / Адказаць
31.01.2014 / 21:28
Ва ўкраінскіх гайках рэзьба ўжо ляснула. Як доўга шчэ можна закручваць беларускія?
0
Нила / Адказаць
31.01.2014 / 21:30
Ждём, чтобы вернуть гражданам Беларуси свободу слова, собраний, митингов, свободу совести! Ждём, чтобы вернуть в страну демократию, которую потеряли, едва успев приобрести! Но Лукашенко не вечен, и в этом оптимизм белорусов!
Паказаць усе каментары/ 22 /
Каб пакінуць каментар, калі ласка, актывуйце JavaScript у наладах свайго браўзеру