на скрыншоце затрыманне маладой пары, на заднім плане справа — відэааператар БелаПАН Васіль Сямашка, яго затрымаюць праз некалькі секундаў, а затым прымусяць сцерці запіс.
Кастрычніцкая плошча перад пачаткам здымак
У Мінску праходзяць здымкі фільма «Авель». Сёння працягвалі здымацца эпізоды, звязаныя з масавымі пратэстамі 19 снежня 2010 года. У сцэнары іх падаюць у негатыўным святле.
Вечарам здымаўся эпізод з масавым шэсцем па праспекце Незалежнасці. Як паведамлялася раней, удзельнікам масоўкі «не рэкамендавалі» крычаць «Жыве Беларусь», прасілі гукаць «Мы против» и «Что-то не так».
Аднак сёння адзін з маладых людзей (Алесь Г.) на праспекце каля Макдональдса некалькі разоў крыкнуў «Жыве Беларусь» і адразу быў затрыманы і выведзены за межы шэсця.
Затрыманы таксама відэааператар БелаПАН Васіль Сямашка, які браў каментар у дваіх маладых людзей, якія прадставіліся арганізатарамі сацапытання. Яны таксама затрыманыя. Пазней В. Сямашку загадалі выдаліць відэазапіс. Адпусцілі і маладую пару, перапісаўшы звесткі.
Шэсце ад Кастрычніцкай да Плошчы Незалежнасці
Малады чалавек гукае некалькі разоў «Жыве Беларусь», затрыманне маладой пары і журналіста БелаПАН на Плошчы Незалежнасці.
Удзельнікі здымкі на Плошчы Незалежнасці
