03.02.2014 / 14:12

Супрацоўнік прэс-службы УУС Мінгарвыканкама: Акцыя фанатаў БАТЭ была незаконная і іх будуць караць 13

Супрацоўнік прэс-службы УУС Мінгарвыканкама Сяргей Басько пацвердзіў інфармацыю аб тым, што двое фанатаў БАТЭ адбываюць пакаранне за адміністрацыйнае парушэнне.

«Два чалавекі прыцягнуты да адміністрацыйнай адказнасці па артыкуле 23.34, частка першая. Па пяць сутак ім далі. Зараз устанаўліваюцца іншыя ўдзельнікі акцыі. Размаўляюць з імі, абтэлефаноўваюцца. Я размаўляў з кіраўніком аддзела па грамадскай бяспецы Барысаўскага УУС, і ён даў такую інфармацыю.

Раз акцыя была незаконная, не было дазволу, то іх будуць прыцягваць да адміністрацыйнай адказнасці. Будуць выклікаць на размовы, што ён рабіў.

Можа, ён думаў — проста фатаграфуемся. Там жа стаіць дваццаць чалавек, а плакаты трымаюць 8—10. Можа, ён скажа, што не ведаў такога. Варыянтаў шмат.

Пакуль іх не знойдуць, ніяк не могуць ляжаць пратаколы.

Прозвішчы арыштаваных? Людзі выказалі сваю пазіцыю, іх за гэта прыцягнулі. Калі яны захочуць самі аб'явіцца, хай аб'яўляюцца, гэта іх асабістая справа. Мы гэта рабіць не абавязаны», — паведаміў Басько.

27 студзеня ў інтэрнэце з'явіўся здымак, на якім 23 фанаты БАТЭ сфатаграфаваліся з бел-чырвона-белым сцягам і плакатамі «Трымайся, Украіна, мы з вамі!» І «Героям слава!». Пазней грамадскі актывіст Сяргей Салаш паведаміў, што на ўсіх 23-х барысаўскіх удзельнікаў акцыі салідарнасці з украінскім Еўрамайданам падрыхтаваны судовыя пастановы на розныя адміністрацыйныя тэрміны.

Хочаш падзяліцца важнай інфармацыяй ананімна і канфідэнцыйна?

0
Николай / Адказаць
03.02.2014 / 14:16
А через какое-то время карать карателей...
0
нават цікава / Адказаць
03.02.2014 / 14:23
А на якую сваю пазіцыю мае права грамадзянін Беларусі, каб не прыцягнулі да адказнасці? Дарэчы, адказнасці перад кім, перад тымі, хто згвалтаваў Канстытуцыю незаконным рэферэндумам і чыніць беззаконне?
0
kandratowic / Адказаць
03.02.2014 / 14:24
Вось фармулёщка 23.34: Нарушение установленного порядка проведения собрания, митинга, уличного шествия, демонстрации, пикетирования, а равно публичные призывы к организации или проведению собрания, митинга, уличного шествия, демонстрации, пикетирования с нарушением установленного порядка их организации или проведения, если в этих деяниях нет состава преступления, совершенные участником таких мероприятий, – влекут предупреждение, или наложение штрафа в размере до тридцати базовых величин, или административный арест. Значыць так: знаходзім фатаздымкі супрацоўнікаў палітычнага рэжыму дзе-небудзь на масавым адпачынку з якімсьці сымбалямі, знакамі, скручанымі пальцамі, нагамі, рукамі і патрабуем адкрыць супроць іх адміністрацыйную справу па 23.43 ЗЫ Дзякую НН за удакладненне артыкулаў
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру