Жыхар Марсэля быў прысуджаны да года турмы за здзекі з кацяняці па мянушцы Оскар.
Малады чалавек у сваім Фэйсбуку размясціў відэа таго, як ён шпурляе 5-месячнае кацяня ў паветра, а потым у сцяну будынка. Запіс выклікала абурэнне сярод інтэрнэт-карыстальнікаў, яны вылічылі зламысніка і звярнуліся да праваахоўнікаў.
Падчас судовага слухання бок абвінавачвання назваў яго дзеянні садысцкімі і запатрабаваў прысудзіць маладога чалавека да года турмы. Суд Марсэля палічыў гэта патрабаванне абгрунтаваным.
Дадзеная справа выклікала шырокі грамадскі рэзананс: падчас слуханняў некалькі сотняў чалавек арганізавалі дэманстрацыю каля будынка суда.
0
0
0
0
0
0