08.02.2014 / 11:34

МЗС РФ: Ацэнка CNN помніка героям Брэсцкай крэпасці як пачварнага «блюзнерская» 4

Міністэрства замежных спраў Расіі лічыць блюзнерскай і цынічнай ацэнку манумента героям-абаронцам Брэсцкай крэпасці, якую далі журналісты тэлеканала CNN, і заклікае кіраўніцтва тэлеканала атрымаць з медыяскандалу сур'ёзныя ўрокі.

«Ацэнку манумента героям-абаронцам Брэсцкай крэпасці як «пачварнага», якую далі журналісты тэлеканала CNN, нельга расцэньваць інакш як блюзнерскую і цынічную», — цытуе МЗС РФ заяву ўпаўнаважанага па пытаннях правоў чалавека, дэмакратыі і вяршэнства права Канстанціна Далгова.

«Гэта абуральны крок — недаравальная для журналістаў-прафесіяналаў халатнасць і сведчанне як мінімум сур'ёзнай адарванасці ад гістарычных рэалій. Гэты манумент — сімвал памяці герояў-абаронцаў Брэсцкай крэпасці, якія, праявіўшы непахісную мужнасць, паміралі, але не здаваліся дзеля агульнай Перамогі над нацызмам. Журналістам CNN нялішнім будзе ўспомніць, што ў той Вайне, свяшчэннай для расійскага народа, салдаты нашых краін змагаліся разам», — зазначаецца ў заяве расійскага дыпламата.

У МЗС РФ мяркуюць, што «кіраўніцтву CNN варта атрымаць самыя сур'ёзныя ўрокі з таго, што здарылася, з тым, каб такое больш не паўтаралася».

0
памятнік / Адказаць
08.02.2014 / 12:30
спасіба!
0
Галоўны калібр. / Адказаць
08.02.2014 / 14:15
Во, падцягваюцца галоўныя эксьперты ў мастацтве. Забярыце ў сваю разань. І пудрыце мазгі Сьвету.
0
віКніК / Адказаць
08.02.2014 / 21:40
Нагадаю міністэрству жулікаў і злодзеяў пра сумесны ваенны парад савецкіх і нямецкіх войск напярэдадні так званай "Айчынай Вайны" побач з крэпасцю, якой яны адвалілі званне "Героя"
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру