16.02.2014 / 16:30

Мітрапаліт Павел асьвяціў у Магілёве храм памяці царскай сям'і ФОТА 30

Мітрапаліт Мінскі і Слуцкі Павел, Патрыяршы Экзарх усяе Беларусі асвяціў сёння ў Магілёве новы храм і сустрэўся з кіраўніцтвам Магілёва і Магілёўскай вобласці, паведамляе БелТА.

Храм Святых Царскіх пакутнікаў і ўсіх навамучанікаў і вызнаўцаў Рускай праваслаўнай царквы ХХ стагоддзя ўзведзены ў парку Горкага побач з месцам, дзе знаходзілася Стаўка Вярхоўнага галоўнакамандуючага ў гады Першай сусветнай вайны. Са жніўня 1915 па лістапад 1917 Стаўка з'яўлялася месцам знаходжання імператара Мікалая II. А 2 сакавіка апошні расійскі імператар адрокся ад трону. І ўжо не як манарх, а проста палкоўнік Мікалай Раманаў прыехаў у Магілёў, каб развітацца са штабам Стаўкі і сустрэцца са сваёй маці Марыяй Фёдараўнай.

Будаўніцтва храма было завершана ў 2013 годзе. Тут вядуцца службы, дзейнічае нядзельная школа, ёсць царкоўная бібліятэка.

Сёлета 9 студзеня тут адзначылі прастольнае свята, набажэнства ўзначальваў епіскап Магілёўскі і Мсціслаўскі Сафроній. Фота mogeparhia.by.

На пярэднім плане — храмавая ікона з выявай царскай сям'і. Фота mogeparhia.by.

Храм-помнік пераважна будавалі на ахвяраванні вернікаў і спонсараў. У сценах закладзеныя цагліны з імёнамі фундатараў.

nn.by

0
Лобзік / Адказаць
16.02.2014 / 16:37
Чортаў абрусіцель!
0
kandratowic / Адказаць
16.02.2014 / 16:38
Эгэ-гэ-гэй!!! Бацюшкі!!! А калі будзе храм у гонар Лаўрэнція Паўлавіча Берыі бліз Курапатаў? Яшчэ давайце сабор у гонар Аляксандра Васілевіч Суворава-Рымніцкага ў вёсцы Чыжэўшчына на Жабіншчыне? Ці можа шчэ манастыр у гонар Івана Васілевіча Маскоўскага ў Полацку збудуем?
0
kandratowic / Адказаць
16.02.2014 / 16:39
Пффф... Мітрапаліт прадасць сваю BMW 7-series і збудуе такі ж храм дзе тое трэба! Навошта па крамах скрынкі на збор сродкаў растаўляць?
Паказаць усе каментары/ 30 /
Каб пакінуць каментар, калі ласка, актывуйце JavaScript у наладах свайго браўзеру