У фінал спаборніцтваў па фрыстайле прабіліся тры беларусы. Аднак Дзянісу Осіпаву пакуль рана змагацца за высокія месцы. Дзявятая пазіцыя – гэта пакуль максімум на які здольны хлопец.

Калі адабралася васьмёрка мацнейшых, то выбыў Дзмітрый Дашчынскі. Наш ветэран выканаў някепскі скачок, але прызямліўся толькі адной лыжай. У суперфінал выйшла толькі чацвёра спартсменаў. Два кітайцы, беларус і аўсталіец.

У Антона Кушніра быў трэці вынік. У фінальнай спробе ён заявіў мегацяжкую спробу. З каэфіцыентам 5,000. І выканаў сваю спробу бліскуча. Трайное сальта з пяццю вінтамі. Суддзі не пасквапіліся на адзнакі – 134,50!!!

Кітайцы, што скакалі следам за беларусам, магчыма, проста перагарэлі. Абодва прызямліліся на спіну.

Гэта ўжо пятае золата Беларусі ў Сочы. І шосты медаль.

  1. Антон Кушнір (Беларусь) – 134.50
  2. Дэвід Морыс (Аўстралія) – 110.41
  3. Зоньянь Цзя (Кітай) - 95.06

Хочаш падзяліцца важнай інфармацыяй ананімна і канфідэнцыйна?