Экс-прэзідэнт Украіны Віктар Януковіч абвешчаны ў вышук. Пра гэта паведамляе Генпракурор Алег Махніцкі.
«Магу паведаміць, што паведамлена аб падазрэнні былому прэзідэнту Віктару Януковічу. Ён аб'яўлены ў вышук. Артыкул — масавыя забойствы людзей, арт.115, ч.1 (наўмыснае забойства) з абцяжарвальнымі абставінамі», — заявіў Махніцкі.
Ён падкрэсліў, што вышукам Януковіча займаюцца аператыўна - вышуковыя падраздзяленні Службы бяспекі і Міністэрства ўнутраных спраў.
Пры гэтым адказваючы на пытанне аб тым, ці абвешчаныя ў вышук экс-генпракурор Віктар Пшонка, экс-кіраўнік МУС Віталь Захарчанка і іншыя былыя высокапастаўленыя асобы, в.а. генпракурора сказаў:
«Справа заведзена па фактах забойстваў, у ёй фігуруе каля 50 чалавек. Цяпер, магчыма, будзе і больш».
