01.03.2014 / 23:02

Былы дарадца Пуціна Іларыёнаў: Галоўная мэта Масквы — звяржэнне ўлады ў Кіеве 8

Пра гэта ў інтэрв'ю Грамадскаму ТВ заявіў былы дарадца Пуціна Андрэй Іларыёнаў.

«Крым — гэта для адводу вачэй, сказаў ён. — Галоўная мэта — звяржэнне ўлады ў Кіеве, сказаў ён. — Прачытайце зварот Пуціна да Савета Федэрацыі, там гаворыцца: … на падставе пункта «г» часткі 1 артыкула 102 Канстытуцыі Расійскай Федэрацыі ўношу ў Раду Федэрацыі Федэральнага Сходу Расійскай Федэрацыі зварот аб выкарыстанні Узброеных Сіл Расійскай Федэрацыі на тэрыторыі Украіны да нармалізацыі грамадска-палітычнай абстаноўкі ў гэтай краіне».

Іларыёнаў сказаў, што неадкладныя захады павінны быць зробленыя проста зараз, у гэтыя хвіліны.

«Самыя чорныя рэчы робяцца ноччу». 1. Проста гэтай ноччу трэба ўзяць пад ахову стратэгічныя аб'екты ў гарадах Украіны.

2. Закрыць паветраную прастору над Украінай, рэагаваць неадкладна на самалёты, якія не адказваюць на запыты.

3. Усеагульная мабілізацыя проста зараз ноччу, прычым магчыма не толькі войска.

4. Неабходна звярнуць асаблівую ўвагу на ўзбярэжжа: ад Таганрога да Адэсы.

5. Звярнуцца ў АБСЕ, НАТА, ЕС аб аказанні любой дапамогі.

6. Накіраваць еўрапейскіх назіральнікаў ва Украіну.

7. Стварыць міжнародны прэс-цэнтр і запрасіць журналістаў вядучых СМІ свету, каб яны перадавалі навіны ў свае краіны на сваіх мовах. Па СNN вядзецца агалцелая пуцінская прапаганда. Палітыкі мусяць звяртацца да ўсіх па-англійску. Другая ключавая мова — расейская, у тым ліку і для антыпрапаганды ва ўсходніх раёнах.

Уся краіна павінна стаць на абарону Украіны, — сказаў Іларыёнаў.

0
саветнік пуцінскі - вутка / Адказаць
01.03.2014 / 23:13
А хай пачынае.. Што гэта было гэтыя дні - як не вайна? Хай акупуе. Нават сьмешна. Януковіч не можа вярнуцца больш на Ўкраіну. Не слухайце Іларыёнава. Пуцін зараз звар'яцее ад таго, што не ўдаецца на кроў спаслацца. Напэўна ўжо запланавалі, каго заб'юць пераапрануўшыся ў майданаўцаў..
0
LMI / Адказаць
01.03.2014 / 23:18
Магчыма тут Іларыенаў перабольшвае (ня першы раз). Тым не менш - дзякуй што і там есьць сумленныя людзі. Аднак плян Пуціна на мае перакананьне - прасцейшы. А менавіта - адарваньне прарасейскіх абласьцей Украіны і пераўтварэньне іх у своеасаблівую буферную зону паміж ужо дакладна ультра супрацьрасейскай заходняй і цантральнай часткай Украіны, якая без варыянтаў уступае ў НАТА і ЭЗ. Адарваньне згаданых абласьцей пераўтварае астатнюю Ўкраіну ў куды больш куцую дзяржаву без выхада да мора і без эканамічных магутнасьцяў (хай сабе і састарэлых). Магчыма Путанхамон не стане ваяваць і за Кіеў. Але што падзел Украіны атрымаў "блаславеньне" расейскай хунты - дакладна. Што можа зрабіць Украіна - цяжка сказаць? Ці дапаможа ЭЗ і ЗША - вельмі й вельмі вялікае пытаньне?
0
JJ / Адказаць
01.03.2014 / 23:19
Гэта было адразу зразумела, апасля заяваў кшталту "легітымнасць выклікае сумнеў". Але развязаць з-за 16 мільярдаў 3ю сусветную? Некаму ад Алімпіады зусім падурнела. Як там было ў Тацыта - "кесарава вар'яцтва"?
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру