02.03.2014 / 17:32

Вялікабрытанія, следам за ЗША і Францыяй, прыпыняе падрыхтоўку да саміту G8 у Сочы 2

Улады Вялікабрытаніі прынялі рашэнне прыпыніць удзел у падрыхтоўцы да чэрвеньскага саміту G8 у Сочы, паведамляе Agence France-Presse.

Адпаведную заяву зрабіў міністр замежных спраў Злучанага Каралеўства Уільям Хейг.

«Вялікабрытанія далучыцца да іншых краін G8, якія абвясцілі на гэтым тыдні аб прыпыненні супрацоўніцтва ў рамках G8, дзе Расія старшынюе ў гэтым годзе.

У тым ліку мы прыпыняем свой удзел у падрыхтоўчых нарадах саміту G8», — заявіў міністр.

Раней на аналагічны крок пайшлі ўлады ЗША і Францыі.

Прычынай гэтага стала рашэнне Савета Федэрацыі РФ ухваліць просьбу Уладзіміра Пуціна аб увядзенні расійскіх войскаў у Крым.

0
гунн / Адказаць
02.03.2014 / 17:42
канаду забыли в список включить
0
Кліо / Адказаць
02.03.2014 / 18:22
Ну нічога. Пуцін зьбярэ ў Сочы сваю васьмёрку: з Абхазіі, Паўночнай Асеціі. Плюс крымскі Гоблін, плюс вялікі беларускі фюрэр ды яшчэ, можа, Башыр Асад. Усе апоўнія будуць прасіць у першага грошай, а той скажа, што гераічная апэрацыя супраць Украіны не дае яму магчымасьці ўспамагчы братоў па розуме. Дакладней, па яго адсутнасьці.
Каб пакінуць каментар, калі ласка, актывуйце JavaScript у наладах свайго браўзеру