05.03.2014 / 12:42

Вадзім Гігін асудзіў «Нашу Ніву» за аднабаковасць у асвятленні ўкраінскіх падзей 64

«Нешматлікія СМІ ў свеце змаглі захаваць нейтралітэт, калі пісалі пра падзеі ва Украіне. Да нашага гонару, трэба сказаць, што беларускія СМІ, афіцыйныя і неафіцыйныя, змаглі гэта зрабіць», — заявіў на круглым стале сяброў Беларускай асацыяцыі журналістаў (БАЖ) і афіцыйнага Беларускага саюза журналістаў (БСЖ), прысвечаным сітуацыі ва Украіне, галоўны рэдактар часопіса Адміністрацыі прэзідэнта «Беларуская думка» і вядучы ток-шоу «Пазіцыя» на АНТ Вадзім Гігін.

Круглы стол адбыўся ў Нямецкім адукацыйным цэнтры IBB у Мінску 4 сакавіка.

У той жа час Гігін раскрытыкаваў сайт NN.BY газеты «Наша Ніва» за аднабаковасць у асвятленні ўкраінскіх падзей.

Таксама ён раскрытыкаваў загаловак інфармацыі пра вынік хакейнага матча «Раша, гуд бай! Фінляндыя – Расія – 3:1». На ягоную думку, у гэтым жарце «практычна распальванне русафобіі».

На думку Гігіна, мадэрацыя каментаў на NN.BY з заклікамі да парушэння тэрытарыяльнай цэласнасці краін, агрэсіі, анэксіі, вайны, была няправільным падыходам, бо ў каментарах, якія траплялі на сайт, усё адно праходзілі надзвычай жорсткія, часам даходзіла да нецэнзурнай лаянкі. На думку Гігіна, найлепшым выхадам тут было б закрыць каментары, як тое было зроблена на шэрагу інфармацыйных рэсурсаў.

У сваю чаргу, старшыня БАЖ Жанна Літвіна не пагадзілася з меркаваннем пра «нейтралітэт» дзяржаўных СМІ. Афіцыйныя навіны часцяком падчас украінскага крызісу займаліся замоўчваннем інфармацыі, а калі сюжэты пра кіеўскія падзеі траплялі ў эфір, то дэманстрантаў у Кіеве называлі выключна «радыкаламі» і «правакатарамі», а падзеі апісвалі ў негатыўным святле.

Пры канцы сустрэчы Вадзім Гігін папрасіў ушанаваць хвілінай маўчання памяць народнага паэта Беларусі Рыгора Барадуліна.

Юрась Ускоў

0
смех / Адказаць
05.03.2014 / 12:47
Навошта раздзьмуваць асобу нейкага лукашыста, і што ён там мяркуе? гігін, кікін, шмікін.. якая розніца і для каго?
0
Яшка / Адказаць
05.03.2014 / 12:48
Рэд. Выдалена.
0
Вадзя / Адказаць
05.03.2014 / 12:49
О да, АНТ і твая Бе-Думка -- гэта ўзоры аб'ектыўнасці. Гігін, тролі далей!
Паказаць усе каментары/ 64 /
Каб пакінуць каментар, калі ласка, актывуйце JavaScript у наладах свайго браўзеру