Базавая арэндная велічыня ў Беларусі можа павялічыцца 1 красавіка з 86 да 102 тыс. рублёў, або на 18,6%, паведамілі ў Дзяржкаммаёмасці.
Паводле слоў прадстаўніка ведамства, распрацаваны праект рашэння Савета міністраў, які прайшоў усе ўзгадненні і знаходзіцца зараз на разглядзе ва ўрадзе.
Памер базавай арэнднай стаўкі ўстанаўліваецца штогод 1 красавіка з улікам змянення індэкса спажывецкіх цэн за папярэдні год. Летась базавая арэндная велічыня павысілася на 60% да 86 тыс. рублёў.
Базавая арэндная велічыня ўстанаўліваецца ў адпаведнасці з указам ад 29 сакавіка 2012 года № 150 «Аб некаторых пытаннях арэнды і бязвыплатнага карыстання маёмасцю».
Каментары