07.03.2014 / 17:26

Чэмпіён свету па муай-тай запісаў беларускамоўны ролік ВІДЭА 19

Яшчэ адзін Заслужаны майстар спорту запісаў беларускамоўны ролік Баец Дзяніс Ганчаронак прэзентуе яго 8 сакавіка ў Лас-Вегасе, дзе з удзелам мінскіх байцоў пройдзе грандыёзнае шоў Kickboxing Empire 2.

Услед за футбалістам Віталём Радзівонавым і тайбаксёрам Віталём Гурковым моду на беларускамоўныя ролікі перахапіў неаднаразовы чэмпіён свету па муай-тай Дзяніс Ганчаронак. У суботу, 8 сакавіка ролік пакажуць у межах платнай тэлевізійнай трансляцыі байцоўскага шоў Kickboxing Empire 2. Беларускамоўны закадравы тэкст будзе суправаджацца англамоўнымі субцітрамі.

«Канцэпцыя роліка такая, што без нацыянальнай мовы абысціся было немагчыма. Стаяла задача праілюстраваць беларускі каларыт і надаць відэа матывацыйнасці, — апавядае Дзмітрый Казлоўскі, дырэктар кампаніі Malamoute Production, у якой амерыканцы замовілі відэа. — Нашы продкі, пра якіх у роліку вядзецца гаворка, былі выбітнымі ваярамі, і перадаць той дух без беларускай мовы немагчыма. Ваяр без гісторыі — дрэнны ваяр. А наша гісторыя — гэта беларуская мова».

Апроч Дзяніса Ганчаронка, з беларусаў у рынг выйдуць Павел Турук і знакаміты тайбаксёр Віталь Гуркоў, які літаральна месяц таму стаў чэмпіёнам свету па муай-тай у версіі WBC. 

Як Віталь Гуркоў заваёўваў пояс чэмпіёна свету (ВІДЭА)

Інтарэс выклікае тое, што турнір пройдзе паводле правілаў амерыканскага кікбоксінгу. Правілы тут сур’ёзна адрозніваюцца ад тайскага боксу, да якіх той жа Віталь Гуркоў прызвычаены куды больш.

Колішні турнір Kickboxing Empire 1, дзе найярчэйшыя баі правялі беларусы (ВІДЭА)

Хочаш падзяліцца важнай інфармацыяй ананімна і канфідэнцыйна?

0
алесь / Адказаць
07.03.2014 / 18:04
Ролік добры.Малайцы.Хоць можна і ўдасканальваць да бясконцасці.Спартоўцы пачалі шукаць духоўную сілу ў сваіх продкаў і мовы, якой яны карысталіся. Правільны накірунак.Бо толькі на грошах не ўсе могуць стаць чэмпіёнамі.Камусьці дух продкаў можа быць значна большай падтрымкай, чым усё астатняе...А галоўнае ў сукупнасці -перамога!
0
Tinea / Адказаць
07.03.2014 / 18:47
Супершыкоўна.
0
Максим Дизайнер / Адказаць
07.03.2014 / 19:11
Шикарно!Браво!Аж слезы на глаза наернулись.
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру