У пасёлку Чангар (Херсонская вобласць), які знаходзіцца на мяжы з Аўтаномнай рэспублікай Крым, замінаваныя палі.
Пра гэта піша выданне Херсонські вісті.
Чангар апынуўся паміж двух агнёў — з боку Крыма ў зямлю ўкапаліся расійскія войскі, а з боку Кахоўкі — украінскія. Ствалы дзевяці расейскіх БТРаў накіраваны проста ў цэнтр вёскі.
Больш за тое, трактар капае ямы пад памежныя слупы.
Як пішуць мясцовыя СМІ, людзей абурае факт знаходжання расійскіх вайскоўцаў на тэрыторыі Херсонскай вобласці.
У знак пратэсту ўвесь Чангар упрыгожаны ўкраінскімі сцягамі.
Ад украінскай улады мясцовыя жыхары патрабуюць аднаго: выставіць блок-пост перад вёскай і абараніць іх ад расійскіх ствалоў.
У выпадку ігнаравання іх патрабаванняў жыхары пасёлка Чангар пагражаюць перакрыць магістральную трасу.
