10.03.2014 / 17:04

Украінскі дэпутат злавіў правадыра сепаратыстаў Луганска ЖОРСТКАЕ ВІДЭА 29

Сілавыя структуры бяздзейнічаюць на ўсходзе Украіны. «Не паддавацца на правакацыі» — такі загад з Кіева. Пытанне, ці гэта ідзе ад нежадання справакаваць уварванне Расіі, ці ад няздольнасці змусіць сілавікоў Усходняй Украіны да дзеянняў.

Парадаксальна, але дзейнічаць першымі пачалі бізнэсоўцы і дэпутаты.

Так, мільярдэр Тарута ўзначаліў Данецкую вобласць, а мільярдэр Каламойскі — Днепрапятроўскую. І мабілізавалі на змаганне з сепаратыстамі свае кланы і ахоўныя структуры.

А на гэтым відэа — дэпутат ад паўночнаўкраінскага горада Чарнігаў і ўраджэнец Луганшчыны Алег Ляшко з групай сілавікоў арыштоўвае правадыра луганскіх сепаратыстаў.

Лідар так званай «Маладой гвардыі» і прадстаўнік Віктара Медведчука ў Луганскай вобласці — 45-гадовы Арсен Клінчаеў. Ляшко, лідар мікраскапічнай Радыкальнай партыі, апублікаваў відэасюжэт пра затрыманне на старонцы Інтэрнэт-ТВ «Голас народа» і ў сябе ў Фэйсбуку.

На кадрах відаць, як група невядомых на чале з Ляшко кладзе Клінчаева на падлогу, надзявае кайданкі. Пасля гэтага затрыманы на камеру заклікае паплечнікаў вызваліць абласную адміністрацыю, зняць расійскі сцяг і вярнуць на месца дзяржаўны.

«Учора я інкогніта прыбыў на сваю родную Луганшчыну, каб кіраваць гэтай аперацыяй, — піша Ляшко. — Падонак Клінчаеў будзе адказваць за свае злачынствы — мы затрымалі яго і перадалі праваахоўным органам».

Варта адзначыць, што луганская міліцыя Клінчаева адпусціла, а над абласной адміністрацыяй ізноў узняўся расійскі сцяг.

0
дада / Адказаць
10.03.2014 / 17:12
НН, для справки нужно и это видео дать https://www.youtube.com/watch?v=HcxIFOXp9y8
0
Міколаас / Адказаць
10.03.2014 / 17:29
Ляшко выступае мовай Азарава: http://www.youtube.com/watch?v=UkWKq7scDk8 Ляшко - Яфрэмаву: http://www.youtube.com/watch?v=VnBZq2_5pCI Ляшко ловіць цітушку http://www.youtube.com/watch?v=8dQfzcUrLRg
0
1кг Свінных Плячоў / Адказаць
10.03.2014 / 17:29
Бальзам на душу
Паказаць усе каментары/ 29 /
Каб пакінуць каментар, калі ласка, актывуйце JavaScript у наладах свайго браўзеру