У інтэрнэце з'явілася відэа, як расійскія штурмавікі ў Данецку зрываюць, топчуць і паляць сцягі Украіны і футбольнага клуба «Шахцёр». Апошні яны зблыталі са штандарам УПА. Усё гэта адбывалася пад крыкі «Данецк — рускі горад» і «Расія».
Абураны футбаліст данецкага «Шахцёра» Яраслаў Ракіцкі напісаў у сваім Твітары: «Калі людзі, якія крычаць, што Данецк гэта Расія і паляць сцягі «Шахцёра» — данчукі, а не тыя, хто панаехаў з Расіі, тады я фашыст і бандэравец, пацаны!».
Футбольны «Шахцёр» — спартовы гонар Данбаса.
Расійскія СМІ сцвярджаюць, што ў мітынгах за далучэнне да Расіі ўдзельнічае мясцовае рускамоўнае насельніцтва. Украінскія СМІ гавораць пра ўдзел вялікіх групаў штурмавікоў з Расіі.
Баксёр Віталь Клічко, знаходзячыся ў Данецку, заявіў, што «сёння рэферэндумаў ва ўсходніх абласцях Украіны патрабуюць грамадзяне іншай краіны».
Учора сепаратысты, узброеныя ручнымі гранатамі, сарвалі мітынг за адзінства Украіны ў Данецку, а ў Луганску атакавалі мясцовую абладміністрацыі.
Мясцовая міліцыя бяздзейнічае, ва Усходняй Украіне захоўваецца безуладдзе. Выпадкі апаганьвання нацыянальнай, дзяржаўнай сімволікі застаюцца беспакаранымі.
Цяпер чытаюць
Ад 300 000 да 500 000 даляраў. Стала вядома, хто прывёз Джэйсана Дэрула ў Беларусь1
Каментары