10.03.2014 / 20:09

18-гадовы мінчук з 15-гадовай сяброўкай выскачылі з акна шостага паверха — сёмая смерць ад «маркі» абноўлена 12

У Мінску ад ўжывання «марак» працягваюць гінуць маладыя людзі.

Як паведамілі ў ГУУС Мінгарвыканкама, новай ахвярай псіхатропнага рэчыва стаў 18-гадовы трэцякурснік сталічнага каледжа.

Трагедыя здарылася ў мікрараёне Серабранка. Малады чалавек, скарыстаўшыся тым, што бацькоў не было дома (у кватэры была толькі бабуля), запрасіў да сябе 15-гадовую сяброўку. Разам яны ўжылі «маркі», якія юнак набыў праз інтэрнэт. Паводле папярэдняй інфармацыі, пасля ўжывання псіхатропаў маладыя людзі сталі паводзіць сябе неадэкватна, зачыніліся ўдваіх ў пакоі і выскачылі з акна кватэры на шостым паверсе. Юнак праз некалькі гадзін памёр у бальніцы, дзяўчына шпіталізаваная з траўмамі рознай ступені цяжкасці.

Якія абставіны папярэднічалі трагедыі, стане вядома пасля праверкі, якая праводзіцца Ленінскім РУУС Мінска па факце атрыманых маладым чалавекам цяжкіх цялесных пашкоджанняў, якія выклікалі смерць.

Такім чынам з пачатку года сямёра маладых людзей у Мінску памерлі пасля ўжывання марак з выявай на ёй чырвонага д'ябла, паведамляе Tut.by.

Пра гэта паведаміў начальнік Упраўлення СК РБ па Мінску Дзмітрый Канаплянік 11 сакавіка на прэс-канферэнцыі.

Як правіла, усе памерлыя ўжывалі марку памерам 1х2 см, на якой намаляваны д'ябал з рагамі, так званы «кіслы д'ябал».

Ад адной да дзвюх гадзін пасля ўжывання наступала смерць. На ўсіх канфіскаваных марках выяўлена адно і тое ж рэчыва рознай канцэнтрацыі, што пацвярджае саматужны спосаб вырабу.

Як адзначыў Канаплянік, усе маладыя людзі па месцы працы або вучобы характарызуюцца станоўча, па сутнасці, гэта дамашнія дзеці, і для бацькоў іх смерць стала шокам. Большасць маладых людзей не адрозніваліся шкоднымі звычкамі і асацыяльнымі паводзінамі.

0
Кнехт / Адказаць
10.03.2014 / 20:35
Напэўна "дэпутаты" хутка Інтэрнэт пачнуць забараняць - бо "маркі" ж юнак набыў праз Інтэрнэт. І гэта не ўпершыню гучыць. Зразумела, спачатку забароняць "маркі", а толькі затым ...
0
Ромпер Стомпер / Адказаць
10.03.2014 / 21:13
2Кнехт Інтэрнэт ніхто ніколі не забароніць, бо ўжо запозна трэба было рабіць як на Кубе. А цяпер калі адключыць сеціва вам недзе будзе каментаваць і вы нарэшце пойдзеце на вуліцы. Прапаную ўсім СМІ сайтам, адмінам тэматычных суполак вк забараніць каментаванне, тады ўсё хутка адбудзецца. А так, што? Прыйшоў пасля працы адкаменціў і ўсё.. лічы пазмагаўся.. выказаўся.. абавязак грамазянскі выканаў.
0
1 / Адказаць
10.03.2014 / 21:23
обычный естественный отбор. От этой дряни гибнут глупейшие. Умные- не употребляют.
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру