У Бабруйску 8 сакавіка было ўчынена двайное забойства — мужчына забіў сваю 40-гадовую жонку і дачку 1999 года нараджэння.
Як паведаміла афіцыйны прадстаўнік упраўлення Следчага камітэта па Магілёўскай вобласці Аксана Салянюк, у момант учынення злачынства 45-гадовы мужчына знаходзіўся ў стане моцнага алкагольнага ап'янення. Да апошняга моманту і ён, і яго сям'я характарызаваліся станоўча.
«Абедзвюм ахвярам былі нанесены шматлікія цялесныя пашкоджанні, а таксама нажавыя раненні. Сын, які прыйшоў дадому, знайшоў маці і сястру забітымі, а бацьку ў нецвярозым стане», — сказала Салянюк.
Падазраваны затрыманы. Паводле слоў прадстаўніка УСК, ён знаходзіцца ў шоку ад учыненага і пакуль ніяк не можа растлумачыць свае дзеянні.
