18.03.2014 / 15:27

Навошта нам музей? 4

Запрашаем на першую дыскусію з веснавога цыкла ад кампаніі «Будзьма беларусамі!»

Высвятленне стасункаў кампаніі «Будзьма!» з культурай пачынаецца 18 сакавіка з прэтэнцыёзна «трансцэндэнтнай» размовы і проста правакацыі: навошта нам музеі?

Музеяў у Беларусі шмат: каля сотні краязнаўчых і больш за трыццаць мемарыяльных, этнаграфічных, літаратурных, мастацкіх ды інш. Музей сёння – гэта анахранізм ці культурніцкі асяродак? Ці ёсць цікавасць у людзей наведваць музеі без прымусу? Якія дарогі вядуць нас у музей і чаму так… нячаста? Што зрабіць, каб і музей, і наведнік паверылі адно аднаму?

Пра гэта і многае іншае запрашаем паразважаць разам з прафесіяналамі ў галіне музейнай справы, навукоўцамі, праектнымі менеджарамі. Будзем разам вучыцца мысліць шырока і міждысцыплінарна, адным словам, прымаць выклік дня сённяшняга.

Эксперты:

  • Сцяпан Стурэйка — гісторык, краязнаўца, культурніцкі антраполаг, выкладчык;
  • Яся Каралевіч-Картэль – аўтарка ідэі і рэдактарка сайту 90s.by;
  • Дзіяна Шантар – загадчык сектара выставачнага аддзела Нацыянальнага мастацкага музея Беларусі;
  • Алесь Зіменка — старшыня беларускага аддзялення ICOM (International Council of Museums).

Мадэраваць дыскусію будзе Генадзь Сівохін, адмысловец у музейнай справе з вялікім стажам.

18 сакавіка

Крэатыўная прастора «ЦЭХ», прасп. Незалежнасці, 58, к.6 (праход праз вул. П.Броўкі), дальні пад’езд, 2 паверх (схема праезду).

Пачатак: 19:00.

Уваход вольны.

Чакаем усіх цікаўных і неабыякавых!

0
belariy / Адказаць
12.03.2014 / 17:48
ооо... Сівохін ))) ну, гэты там дасьць разгону ))
0
Культура мовы / Адказаць
18.03.2014 / 15:32
"Што зрабіць, каб і музей, і наведнік паверылі адзін аднаму" = адно аднаму
0
. / Адказаць
18.03.2014 / 15:34
Гадоу сто, а можа 150 таму тое ж самае пытанне абмяркоувалась у перадачы Культурная рэвалюцыя.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру