14.03.2014 / 11:45

Сёння выдавецтва «Галіяфы» адкрывае кнігарню ў Мінску + ФОТЫ 8

У Мінску адкрываецца новая беларускамоўная кнігарня: выдавецтва «Галіяфы» стварае ўласную культурніцкую пляцоўку. «Наша Ніва» паразмаўляла са Змітром Вішнёвым пра фармат новай кнігарні.

Будынак па адрасе Валгаградская, 6 (станцыя метро «Маскоўская») перастае быць паўзакінутай завадской прасторай: у хуткім часе тут адкрыецца некалькі забаўляльных устаноў. Аднак першай з іх стане кнігарня выдавецтва «Галіяфы». Памяшканне ў яе не меншае за знакамітую кнігарню «логвінаЎ» – 36м2.

Каманда «Галіяфаў» рыхтуецца да адкрыцця – 15 сакавіка тут будуць прэзентаваны новыя кнігі Адама Глобуса і Юрыя Станкевіча. Мэблю змантаваць пакуль не паспелі – на падлозе стосамі ляжаць кнігі, а ля сцен стаяць карціны.

«Уверсе, над паліцамі будзе нешта накшталт невялікай галерэі, – расказвае Зміцер Вішнёў. – Мы будзем прадаваць карціны беларускіх мастакоў і часам рабіць невялікія выставы. Нам ужо перадалі свае карціны Адам Глобус, Андрэй Плясанаў, Уладзімір Акулаў і іншыя».

«Наша мэта – прасоўваць беларускамоўную культуру і, натуральна, кнігі, якія выходзяць у нашым выдавецтве, – тлумачыць Вішнёў. – На кнігі «Галіяфаў» тут будзе найлепшая цана ў горадзе. Што тычыцца іншых кніг, вялікай накруткі мы рабіць не будзем, аднак пэўная ўсё ж такі застанецца: трэба аплочваць арэнду памяшкання». Будзе і эксклюзіў – кнігі расейскага выдавецтва «Русскій Гуллівер», з якім мы вельмі сябруем, і якіх у Мінску амаль не купіць».

Што тычыцца культурніцкіх мерапрыемстваў, то яны таксама плануюцца.

«Вялікіх канцэртаў тут не зробіш, аднак для таго, каб пляцоўка «жыла», патрэбны рух. Напрыклад, раз на месяц у нас будзе гістарычная майстэрня ад Мікалая Плавінскага. Спадзяемся, што ў цёплыя месяцы можна будзе выбірацца на ганак будынка – тут невялікі скверык», – кажа Вішнёў.

Юрась Ускоў. Фота Сяргея Гудзіліна

0
Культура мовы / Адказаць
14.03.2014 / 11:57
"Што тычыцца іншых кніг, вялікай накруткі мы рабіць не будзем, аднак пэўная ўсё ж такі застанецца: трэба аплОчваць арэнду памяшкання" = аплАчваць, ад слова "аплАта"
0
Пятро / Адказаць
14.03.2014 / 12:02
Немец самы настаяшчы!
0
фрог / Адказаць
14.03.2014 / 12:24
в теплые месяцы в скверике посетители будут находиться в кампании местных алконафтов :) И не удивлюсь, если охрана находящегося рядом со сквериком электро-механического завода, будет гонять любителей посидеть в скверике.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру