18.03.2014 / 14:58

Івонка Сурвіла заклікае суайчыннікаў годна адзначыць Дзень Волі 7

Старшыня Рады БНР Івонка Сурвіла заклікала суайчыннікаў годна адзначыць Дзень Волі — чарговую гадавіну абвяшчэння незалежнасці Беларускай Народнай Рэспублікі (25 сакавіка 1918 года).

«Гэтым вы прыпомніце свету, што і вы хочаце быць гаспадарамі на сваёй зямлі», — гаворыцца ў яе звароце, размешчаным на старонцы Рады БНР у «Фэйсбуку».

Сурвіла звяртаецца да суайчыннікаў «з трывогай на душы». «Падзеі ва Украіне паказалі свету, да якой скрайнасці Масква гатовая пайсці, каб вярнуць імперыю. Не зважаючы на законы міжнароднага сужыцця, на міжнародныя — ёю падпісаныя — дагаворы і на аднагалоснае асуджэнне ўсяго свету, Расія напала на суседнюю дзяржаву пад выдуманым прэтэкстам небяспекі, якая маўляў пагражае «рускамоўнаму» насельніцтву гэтае дзяржавы. У трыццатыя гады напад на суседнюю дзяржаву пад падобным прэтэкстам быў першым крокам да найстрашнейшай сусветнай вайны, якую перажыло чалавецтва», — сказала яна.

Для Беларусі, падкрэслівае Сурвіла, «маскоўская агрэсія на Украіну асабліва трывожная». «Калі свет адэкватна не зарэагуе, мы можам стацца наступнай ахвярай маскоўскага імперыялізму. Прэтэкст будзе той самы: расійскамоўнае насельніцтва Беларусі», — мяркуе яна.

Ад імя Рады БНР Сурвіла выказвае «салідарнасць з украінскім народам і яго героямі, якія сёння змагаюцца супраць пуцінскай імперыі зла». «Не давайце рэжыму ўцягнуць вас у гэтую імперыю. Мы на баку цывілізаванага свету, а не дзікіх агрэсараў», — заявіла яна.

0
Kuznec / Адказаць
18.03.2014 / 17:42
Yse na Dzen Woli,Belarusy dakazyce, shto Zywe Belarus!
0
перепой / Адказаць
18.03.2014 / 18:42
НН, а вы проведите эксперимент, сделайте опрос простых людей на улице, спросите у них про Ивонку Сурвилу. Уверяю, люди скажут первый раз слышим такое, даже знать не знают что это такое, а если скажете, что это нейкое правительство в изгнании, то насмешите по полной программе людей. Даже не поверят, что такое было или есть, подумают вы прикалываетесь над ними. Это никому не интересно, человек ни разу не был в Беларуси, да ещё возглавляет некое правительство или респуьлику Беларусь, вам не самим не смешно?
0
Валерия / Адказаць
18.03.2014 / 22:50
Ответ перепой напiсаў(ла) А что здесь удивительного ? Вы спросите у народа кто такой Василь Быков или Сапега или кто такой Ластовский - много нового узнаете о своем народце Так что ничего удивительного здесь нет. Если бы народ знал Ивонку Сурвилу то и памятников Ленину уже по стране не стояло бы и российских военных баз на нашей территории не было . И вы думаете в этом Ивонка виновата ? Отнюдь нет . Этот народ который ничего не знает о своем прошлом и чтит врагов своих предков ( Суворова например ) и потенциальных нынешних не имеет ни достоинства ни чести ни будущего .
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру