24.03.2014 / 17:16

Кім Чэн Ын ўпершыню з'явіўся на людзях з сястрой 1

Палітычны лідэр Карэйскай Народна-Дэмакратычнай Рэспублікі Кім Чэн Ын ўпершыню з'явіўся на публіцы ў кампаніі сваёй малодшай сястры, паведамляюць паўночнакарэйскія СМІ. 

Кіраўнік дзяржавы наведаў канцэрт гурту «Моранбон» у Пхеньяне з жонкай, якая сядзела ў першым шэрагу, і малодшай сястрой, якая сядзела ў другім радзе. Да гэтага Кім Е Чжон не наведвала афіцыйныя мерапрыемствы разам з братам. 

Мясцовыя газеты мяркуюць, што такі сямейны выхад сімвалізуе адзінства сваякоў. І падстава для дэманстрацыі была абраная асаблівая: канцэрт ансамбля «Моранбон», які быў створаны па загадзе Кім Чэн Ына ў 2012 годзе. 

Паўднёвакарэйскія СМІ пішуць пра ўплыў малодшай сястры на лідара краіны, які ўзрос. Мяркуецца, што яна адказвае за яго расклад дня і стыль. Акрамя таго, Кім Е Чжон кіруе пастаўкамі прадуктаў харчавання ў Карэйскую народную армію. Узвышэнне Кім Е Чжон стала магчыма пасля пакарання смерцю Чан Сон Тхэка, дзядзькі Кім Чэн Ына. 

Хочаш падзяліцца важнай інфармацыяй ананімна і канфідэнцыйна?

0
der ober / Адказаць
24.03.2014 / 19:22
Сястра Пяльменя такі жыва.
Каб пакінуць каментар, калі ласка, актывуйце JavaScript у наладах свайго браўзеру