24.03.2014 / 17:48

«У нашую краіну і ва ўніверсітэт прыйшла бяда, імя якой — наркотыкі» 5

Рэктар БДУ запісаў відэазварот да студэнтаў.

Рэктар Беларускага дзяржуніверсітэта Сяргей Абламейка зрабіў відэазварот да калегаў і студэнтаў, прысвечаны праблеме сінтэтычных наркотыкаў. 

Сяргей Абламейка адзначыў, што гэтая бяда прыйшла не толькі ў краіну, але і ва універсітэт. 

«Наркотыкі становяцца новымі, сінтэтычнымі і вельмі небяспечнымі для ўсіх нас. Нядаўна мы згубілі студэнтку, якая была майстрам спорту, выдатніцай, якая не змагла засцерагчыся ад гэтай бяды. Гэта агромністая бяда, супраць якой мы разам павінны паўстаць», — кажа рэктар. 

Ён паведаміў, што ў інтэрнэце запушчаны праект «Перахоп». Кожны можа ананімна паведаміць пра ўсе выпадкі ўжывання або распаўсюду наркотыкаў, якія давялося пабачыць. Таксама спецыяльная група створаная Белдзяржуніверсітэтам «Укантакце». У Твітары можна дзяліцца інфармацыяй пад хэштэгам «#перехват». 

«Калі вы бачылі калег, якія ўжываюць наркотыкі, не замоўчвайце, давайце знаць», — заклікае спадар Абламейка.

Хочаш падзяліцца важнай інфармацыяй ананімна і канфідэнцыйна?

ТБ

0
Няхлюй / Адказаць
24.03.2014 / 18:08
Імя якой - лукашызм.
0
obcy / Адказаць
24.03.2014 / 19:21
гэта ўсё полумеры, а замкнуць усходнюю мяжу слабО?
0
супраціў / Адказаць
25.03.2014 / 00:46
Трэба злавіць злачыньцу з атачэння лукашэнкі, які "крышуе" наркотыкі і спайсы...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру