24.03.2014 / 22:15

У Мінску кіроўца BMW пад спайсамі праехаў праз увесь горад, здзейсніў дзясятак ДТЗ, а пры затрыманні ўскрыў вены 19

«Каля 17.30, 24 сакавіка, у дзяжурную частку ДАІ паступіла інфармацыя, што кіроўца чорнага BMW 7-series здзейсніў ДТЗ у Першамайскім раёне і з'ехаў з месца. Далей у ДАІ сталі звяртацца грамадзяне з паведамленнямі пра новыя сутыкненни на шляху руху BMW, траекторыя руху аўтамабіля, па словах відавочцаў, была неадэкватнай, манера руху — агрэсіўнай, хуткасць — настолькі высокай, наколькі дазваляў шчыльны гарадскі трафік, — распавялі ў ДАІ Мінска.

Чапляючы адну машыну за другой, кіроўца даехаў да Маскоўскага раёна.

«Тут экіпажы ДАІ працягнулі пераслед, аднак каля 19.00 кіроўца кінуў аўтамабіль у раёне вуліцы Мініна і стаў уцякаць ад супрацоўнікаў міліцыі. Інспектары кінуліся за ім, і на іх вачах мужчына, падняўшы з зямлі брудную бутэльку, разбіў яе і аскепкамі стаў ускрываць вены», — распавяла прадстаўнік ДАІ Маскоўскага раёна Любоў Трапашка.

Кіроўцу скруцілі, небяспечныя прадметы ў яго забралі. Медыкі аказалі мужчыну першую дапамогу і даставілі яго ў БХМД.

«Там кіроўца прызнаўся, што ўжываў белы парашок пад назвай «Хуткасць», вынікі экспертызы будуць гатовыя пазней,» — распавяла прадстаўнік ДАІ.

Інспектары ДАІ дзяжураць у аддзяленні, куды шпіталізаваны кіроўца, каб апытаць мужчыну, калі ён прыйдзе ў сябе».

Высветлілася, што мужчына ўжо прыцягваўся да адміністрацыйнай адказнасці па ч.1 арт.18.16 КоАП за кіраванне ў стане алкагольнага або наркатычнага ап'янення. На чым тады трапіўся кіроўца — «п'янцы» ці наркотыках — будзе ўстаноўлена пазней, аднак у яго дзеяннях не ўгледжваецца паўторнасці — з моманту папярэдняга правапарушэння прайшло каля 1 года і 2 месяцаў.

Колькі ўсяго ДТЗ здзейсніў сёння кіроўца чорнага BMW у стане наркатычнага ап'янення, таксама будзе вядома пазней: да гэтага часу супрацоўнікі ДАІ Мінска абагульняюць інфармацыю з раёнаў, аднак, як мяркуецца, іх будзе не менш за дзясятак.

Хочаш падзяліцца важнай інфармацыяй ананімна і канфідэнцыйна?

0
Ромпер Стомпер / Адказаць
24.03.2014 / 22:24
"Спиды" або "Скорость" - это не спайсы
0
pawelek / Адказаць
24.03.2014 / 23:05
у нас на весцы так кажуць: ня ўсіх дурных вайна пабіла!
0
tt-34 / Адказаць
24.03.2014 / 23:23
Может, имелись ввиду "спиды", а не спайсы?
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру