24.03.2014 / 23:42

Беларусь не будзе адклікаць пасла з Украіны 3

Беларускі бок не бачыць неабходнасці ў адкліканні пасла Беларусі ва Украіне з Кіева ў Мінск. Пра гэта паведаміў начальнік упраўлення інфармацыі — прэс-сакратар МЗС Дзмітрый Мірончык.

«У сувязі з паведамленнем пра адкліканне пасла Украіны ў Беларусі ў Кіеў беларускі бок не бачыць неабходнасці ў адкліканні беларускага амбасадара з Кіева ў Мінск», — сказаў Мірончык.

Украіна адклікала свайго пасла ў Беларусі для кансультацый у знак пратэсту супраць выказванняў Аляксандра Лукашэнкі, якія ён зрабіў 23 сакавіка. Лукашэнка заявіў, што Крым дэ-факта стаў часткай Расіі. Кіраўнік Беларусі не асудзіў дзеянняў Расіі, але звінаваціў у страце Крыма ўкраінскае кіраўніцтва. Ён таксама заявіў, што Беларусь гатовая прыняць яшчэ больш расійскіх самалётаў.

Хочаш падзяліцца важнай інфармацыяй ананімна і канфідэнцыйна?

СГ

0
Кнехт / Адказаць
25.03.2014 / 00:10
Беларусь не будзе адклікаць пасла з Украіны, бо ... Януковіч нічога дрэннага пра Лукашэнку не сказаў.
0
Юрась Беларус / Адказаць
25.03.2014 / 09:46
А навошта адклікаць пасла? Ва ўсходняй Украіне і Крыму разам з расейскім уздымаўся і афіцыйны беларускі сцяг. Вось і сядзіць пасол дзеля таго, каб "абараніць беларускіх грамадзян", калі для іх ўсё ж такі наступіць шухер.
0
Ван Хельсiнг / Адказаць
25.03.2014 / 12:06
Абачлiвы, асцярожны крок беларускага МЗС. Украiна шчэ спатрэбiцца... Бо заставацца сам-насам з Крамлём даводзiцца. Назарбаеу не уваходзiць у "славянскую" тройню народау. Складанае становiшча - абаперцiся на плечы Украiны Лукашэнку такi давядзецца, думаю, i не адночы! Афiцыйны Мiнск губляе канчаткова афiцыйную Украiну - маучанне, калi чынiлася уварванне у Крым, дорага будзе каштаваць не толькi сёння, - заусёды...
Каб пакінуць каментар, калі ласка, актывуйце JavaScript у наладах свайго браўзеру