Расійскія памежнікі спыняюць і надглядаюць аўтамабілі, правяраюць дакументы і грузы. Памежнікі ўзброеныя.
Адзін з памежнікаў расказаў карэспандэнту «Нашай Нівы», што іх задача — выяўленне і праверка ўкраінцаў, якія кіруюцца ў Расію транзітам праз Беларусь.
У звычайнай сітуацыі на мяжы Беларусі і Расіі няма памежнага і мытнага кантролю.
Як спраўдзілі карэспандэнты «Нашай Нівы», кантроль ажыццяўляецца без лішняга імпэту. Памежнікі арыентуюцца на машыны з украінскімі нумарамі. Аўтамабілі з беларускімі нумарамі асабліва не трасуць.
Аналагічны кантроль на мяжы Расія ўводзіла ў часе Алімпіяды.
0
0
0
0
0
0
