25.10.2007 / 18:42

Квасьнеўскаму прапануюць стаць палітычным апекуном Беларусі 16

Ідэя стварыць спэцыяльную групу мудрацоў, якая б сваім аўтарытэтам прымусіла Эўразьвяз заняцца беларускімі справамі, прагучала сёньня ў Вільні.


А-р Квасьнеўскі

Ідэя стварыць спэцыяльную групу мудрацоў, якая б сваім аўтарытэтам прымусіла Эўразьвяз заняцца беларускімі справамі, прагучала сёньня ў Вільні.

Тут пачалася міжнародная канфэрэнцыя, прысьвечаная плянаваным на восень 2008 году выбарам у палату прадстаўнікоў. З такой прапановай выступіў былы міністар замежных справаў Літвы, цяпер намесьнік старшыні парлямэнцкага камітэту ў эўрапейскіх справах Антанас Валёніс. На ягоную думку, групу дасьведчаных і аўтарытэтных палітыкаў мог бы ўзначаліць былы прэзыдэнт Польшчы Аляксандар Квасьнеўскі.

Сустаршыня Палітрады аб’яднаных дэмакратычных сілаў Беларусі Сяргей Калякін гаворыць, што яго калегі падтрымліваюць прапанову літоўскага экс‑міністра:

«Гэта ўжо ня толькі ініцыятыва. Працэс ужо фактычна пачаўся. І такая група будзе створаная. Галоўнае — ёсьць інтарэс да Беларусі ў людзей, якія маюць вялікі досьвед палітычнай працы на вельмі‑вельмі высокім узроўні. Таму, я думаю, будзе някепска, калі яны папрацуюць і знойдуць нейкія новыя падыходы, каб дапамагчы станаўленьню дэмакратыі ў Беларусі. Я думаю, гэта рэальная справа».

Яшчэ адзін сустаршыня Палітрады Анатоль Лябедзька адзначае, што прапанова спадара Валёніса не адмаўляе іншай ініцыятывы — правесьці спэцыяльную міжнародную канфэрэнцыю ў справах Беларусі. Яна можа зыходзіць ад Эўразьвязу.

Навошта патрэбная такая канфэрэнцыя, тлумачыць спадар Лябедзька:

«Пачаць рэальны перамоўны працэс у Беларусі. Не размовы пра дыялёг, які расьцягнуты ў прасторы й не абмежаваны часам — а ўвосень пад эгідай Эўразьвязу ды іншых міжнародных арганізацыяў з удзелам уладных структураў і аб’яднанай дэмакратычнай апазыцыі пачаць рэальны перамоўны працэс пра выбары, а ня іхную імітацыю ў Беларусі. Пасьля канфэрэнцыі можна было б стварыць рабочую групу, якая б падрыхтавала зьмены ў выбарчае заканадаўства. Іх прынялі б увосень. І заставаўся б амаль год на падрыхтоўку і правядзеньне выбарчай кампаніі. Адзіная ўмова, на наш погляд, — вызваленьне палітвязьняў. Таму што наяўнасьць людзей, якія сядзяць у турмах за свае палітычныя погляды, — гэта вельмі дрэннае тло для правядзеньня такога мерапрыемства. Тут шмат прадстаўнікоў амбасадаў. І рэакцыя ўдзельнікаў канфэрэнцыі пазытыўная».

Заўтра канфэрэнцыя працягнецца. Ініцыявалі яе каля дзясятка палітычных партыяў Беларусі, Літвы й Швэцыі. Арганізавалі форум Швэдзкі лібэральны цэнтар і літоўскае грамадзкае аб’яднаньне «Дасьледаваньне мэдыяў і інфармацыйны цэнтар».

Уладзімер Глод, Радыё Свабода

0
byllion / Адказаць
25.10.2007 / 18:49
Аляксандар Квасьнеўскі на працягу 10 гадоў прэзыдэнцтва не зрабіў нічога істотнага для Беларусі. Цяпер ён абяцае нешта зьмяніць, сьмех... Ягоны час прайшоў, і як палітык ён ужо сябе зьнішчыў.
0
sash / Адказаць
25.10.2007 / 18:51
алкаша?
0
Мерыкан / Адказаць
25.10.2007 / 18:56
"Аўтарытэтным польскім палітыкам" лепш заняцца праблемамі польскай народнасці, якая апынулася на мяжы фізічнай дэградацыі. "Прыгожая полька" гучыць амаль фантастычна, а тыповым вобразам польскага мужчыны стаў пузаты карузлік (згадайма аблічча вядомых братоў-палітыканаў). Пра паталогію нац. польскай свядомасці — празмерна-хваравітую пыху — і гаворкі няма.
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру