27.03.2014 / 20:36

Глобус, Рублеўская, Дубавец і іншыя: аб’яўлены лонг-ліст прэміі Гедройца 62

Журы абвесціла доўгі спіс (12 кніг), якія працягнуць змаганне за прэмію Гедройца.

Туды ўвайшлі:

«Музы і свінні» Уладзіслава Ахроменкі,

«Хвілінка» Ігара Бабкова,

«Дараванне. Прощение. Vergebung» Алены Брава,

«Разбітае сэрца Вітаўта» Сяргея Верацілы,

«Казкі пра дарослых» Адама Глобуса,

«Errata» Сяргея Дубаўца,

«Шклатара» Артура Клінава,

«Зкімбы-зымбы» Аляксандра Лукашука,

«Багун» Вінцэся Мудрова,

«Сарочае радыё» Кацярыны Оаро,

«Ночы на Плябанскіх млынах» Людмілы Рублеўскай,

«Смерць лесбіянкі» Наталкі Харытанюк.

Усе кнігі прадстаўленыя ў папяровай версіі. Усе (акрамя выдання Вінцэся Мудрова, якое пабачыла свет у Полацку), надрукаваныя ў сталіцы.

Сярод выдавецтваў у лідарах «Логвінаў» (кнігі Ігара Бабкова, Адама Глобуса, Сяргея Дубаўца, Артура Клінава).

З 1 красавіка да 15 мая пройдуць публічныя прэзентацыі ўсіх 12 кніг доўгага спісу.

Наступным этапам прэміі стане абвяшчэнне кароткага спісу (шорт-ліста), у які трапяць 6 кніг. Ён будзе абвешчаны не пазней за 15 мая.

Вынікі трэцяй прэміі імя Гедройца будуць аб’яўлены ў чэрвені.

Максім Кавальскі

0
Філолаг / Адказаць
27.03.2014 / 20:40
Для мяне адназначна першы - Мудроў!
0
журналіст / Адказаць
27.03.2014 / 20:55
Мудроў - адназначна!
0
Міндоўг / Адказаць
27.03.2014 / 21:02
А ці нельга хоць бы па паўкнігі кожнага аўтара ў электронным выглядзе прадставіць для чытачоў? Сапраўдную птушку пазнаюць па палёту. А то неяк здаецца, што нас хочуць падмануць і вырашыць пытаньне калуарна.
Паказаць усе каментары/ 62 /
Каб пакінуць каментар, калі ласка, актывуйце JavaScript у наладах свайго браўзеру