26.03.2014 / 18:45

Газета «Во славу Родины» зрабіла беларускіх страйкбалістаў «еўрапейскімі баевікамі ў Сірыі» 12

Фотаздымкам з кніжнай крамы праілюстравалі артыкул пра вайну

Фатаздымак у вялікім памеры. 

Скрыншот з сайта газеты «Во славу Родины».

Сёння на сайце беларускай вайсковай газеты «Во славу Родины» з'явіўся артыкул Уладзіміра Кажэўнікава «Сірыя здольна ўзарваць Еўропу». Цікаўнасць выклікае ілюстрацыя да артыкула, дзе можна ўбачыць 6 мужчын у форме і са зброяй краін-удзельніц НАТА. Подпіс пад фота: «еўрапейскія баевікі ў Сірыі».

Аднак на заднім плане фатаздымка бачны плакат беларускага кніжнага анлайн-гіпермаркета OZ.BY і палічкі з кнігамі. Відвочна, фота была зробленае ў адной з крамаў OZ.BY, размешчаных у Мінску.

У выніку пошуку не атрымалася знайсці арыгінальны фотаздымак, аднак гэтае ж фота фігуруе ў якасці ілюстрацыі да артыкулаў пра наймітаў на некалькіх расійскіх і ўкраінскіх сайтах, у якіх таксама ўзгадваецца Сірыя. У каментарах да аднаго з такіх артыкулаў карыстальнік з Беларусі пазнаў на фота мінскіх страйкбалістаў.

У інфармацыйным агенцтве «Ваяр» паведамілі, што аўтар сам выбірае ілюстрацыю да публікацыі. Нажаль, звязацца з аўтарам пакуль не ўдалося.

На момант публікацыі фатаздымак з сайта газеты прыбралі. 

Даведка НН:

Страйкбол — камандна-тактычная гульня, у якой гульцы выкарыстоўваюць копіі рэальнай зброі, што страляюць пластыкавымі шарыкамі. 

Кірыла Хілько

0
Андрэй / Адказаць
26.03.2014 / 18:48
Ужо прыбралі ілюстрацыю... ))
0
Альберт Бохан / Адказаць
26.03.2014 / 18:53
спонсар артыкула - oz.by :)
0
zolak / Адказаць
26.03.2014 / 19:25
__ гульня гульнёй, але назіранні за сынам, што браў у ёй удзел, прывялі мяне да падазрэнняў, што з маладзёнаў могуць скарыстацца аналагічна асалдафоненаму брсму, прычым з траўмуючымі стралялкамі...
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру