У Мінску ў лютым сярэдні заробак склаў 7.230.000 рублёў, што на 1.840.000 вышэй, чым сярэдні заробак па Беларусі. У гэтым месяцы больш за ўсіх атрымлівалі работнікі арганізацый, звязаных з вылічальнай тэхнікай і фінансавай дзейнасцю. Іх сярэдні заробак склаў адпаведна 15.510.000 і 12.350.000 рублёў.

Сярэдні заробак работнікаў сферы транспарту і сувязі ў лютым быў 7.330.000, прамысловасці — 7.070.000, сельскай гаспадаркі, палявання і лясной гаспадаркі — 5.460.000, адукацыі — 4.770.000, аховы здароўя і прадастаўлення сацыяльных паслуг — 4, 98 млн. Пра гэта паведамілі ў галоўным статыстычным упраўленні Мінска.

У студзені-лютым намінальны налічаны сярэднемесячны заробак работнікаў сталіцы быў 7.190.000 рублёў (у лютым — 7.230.000, рост у параўнанні са студзенем на 0,9 %).

Рэальны заробак (разлічаны з улікам росту коштаў на спажывецкія тавары і паслугі) у студзені- лютым у параўнанні з аналагічным перыядам 2013 вырас на 7,4%, у лютым у параўнанні са студзенем гэтага года — зменшыўся на 1,1%.

Хочаш падзяліцца важнай інфармацыяй ананімна і канфідэнцыйна?