29.03.2014 / 11:56

Пуцін паскардзіўся Абаму на «блакаду» Прыднястроўя, а той заклікаў Пуціна адвесці войскі ад межаў Украіны 5

Сёння ноччу адбылася тэлефонная размова двух прэзідэнтаў.

Абама выказаў занепакоенасць з нагоды канцэнтрацыі расійскіх узброеных сілаў на мяжы з Украінай. Раней заходняя прэса паведамляла са спасылкай на дадзеныя разведкі, што Расія сканцэнтравала на мяжы ад 30 да 50 тысяч вайскоўцаў, а таксама вялікую колькасць баявой тэхнікі.

Прэс-служба Белага дома паведаміла: «Прэзідэнт Абама падкрэсліў, што ЗША працягнуць падтрымліваць ўрад Украіны і народ Украіны з мэтай дээскалацыі. Кіраўнік Белага дома падкрэсліў, што паляпшэнне сітуацыі магчыма толькі пры ўмове, што Расія адвядзе войскі і не будзе больш парушаць тэрытарыяльную цэласнасць Украіны».

Як Пуцін адказаў Абаме, ні Крэмль, ні Белы дом пакуль не паведамляюць. Прэзідэнты дамовіліся, што ў бліжэйшы час зноў сустрэнуцца міністр Лаўроў і дзяржсакратар Кэры.

У тэлефоннай размове, якая працягвалася каля гадзіны ішла гаворка пра Прыднястроўе.

Кіраўнік Расіі звярнуў увагу прэзідэнта ЗША на фактычную знешнюю блакаду рэгіёну. Уладзімір Пуцін адзначыў, што гэта прыводзіць да істотнага ўскладнення ўмоў жыцця жыхароў Прыднястроўя, перашкаджае іх перамяшчэнню, нармальнай гандлёвай і эканамічнай дзейнасці.

Як дадае прэс-служба Крамля, падчас размовы было падкрэслена: «Расія выступае за справядлівае і усёабдымнае ўрэгуляванне прыднястроўскай праблемы, зацікаўленая ў эфектыўнай працы дзеючага перамоўнага фармату «5+2».

nn.by

Хочаш падзяліцца важнай інфармацыяй ананімна і канфідэнцыйна?

0
аранжава-жоўты - сцяг зомбі-кацапаў / Адказаць
29.03.2014 / 12:28
і з Крыму вывесці войскі таксама трэба
0
Дмитро / Адказаць
29.03.2014 / 13:56
Гендлюють Кримом
0
123 / Адказаць
29.03.2014 / 14:38
Странная у вас манера подачи информации... Пожаловался... Российский Президент не та фигура чтобы жаловаться кому бы то ни было. Скорее заголовок должен был быть такой: Обама смирился с Крымом лишь бы больше ничего не забрали, а Путин намекнул что и в Приднестровье неплохо бы решить проблему, пока референдум не провели.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру