29.03.2014 / 18:08

Лукашэнка і Турчынаў дамовіліся аб стварэнні Чарнаморска-Балтыйскага транзітнага калідора 38

Абодва бакі знайшлі разуменне па ўсіх пытаннях, якія іх хвалююць, заявіў Аляксандр Лукашэнка па выніках перамоваў з выканаўцам абавязкаў прэзідэнта Украіны, старшынёй Вярхоўнай Рады Аляксандрам Турчынавым, перадае БелТА.

Перагаворы адбыліся 29 сакавіка ля беларуска-украінскай мяжы, ў Ляскавічах. Дзяржрэзідэнцыя «Ляскавічы» знаходзіцца ў Прыпяцкім нацыянальным парку на тэрыторыі Петрыкаўскага раёна Гомельскай вобласці.

«Мы можам спакойна сёння раз'ехацца ў Мінск і Кіеў і быць задаволенымі тымі дамоўленасцямі, якіх мы тут дасягнулі», — заявіў Аляксандр Лукашэнка.

Паводле яго слоў, калі паміж бакамі і былі нейкія непаразуменні, то толькі ў сілу няправільнай інфармаванасці па тых ці іншых праблемах.

«Для мяне шмат што было адкрыццём. Я шмат што з першых вуснаў пачуў таго, пра што я, на жаль, не ведаў і ведаць не мог.

Я думаю, што гэта таксама ў скарбонку нашых добрых адносінаў», — адзначыў Аляксандр Лукашэнка.

Лідары дзвюх краін абмяркоўвалі праблемы транспартнага калідора ад Чорнага мора да Балтыкі.

«Мы дамовіліся пра тое, што ў бліжэйшы час у рамках існуючай сёння камісіі мы разгледзім і, калі трэба, пральгаціруем гэты транзіт», — сказаў Аляксандр Лукашэнка.

На перамовах разглядалася пытанне закупак беларускім бокам электраэнергіі ва Украіне.

«Мы ўсе выдатна разумеем, што ва Украіне велізарныя магутнасці па вытворчасці электраэнергіі і мы можам купляць лішкі. Мы таксама закранулі пытанне транзіту электраэнергіі праз Беларусь», — адзначыў Лукашэнка.

Беларусь пры гэтым гатовая дапамагаць Украіне ў сферы сельскай гаспадаркі і стварэенні сумесных прадпрыемстваў

Хочаш падзяліцца важнай інфармацыяй ананімна і канфідэнцыйна?

nn.by

0
лема / Адказаць
29.03.2014 / 18:14
У Лукашенко не получится усидеть на двух стульях. Придется выбирать. И он (к сожалению) выберет Россию.
0
666 / Адказаць
29.03.2014 / 18:27
Ага, каму вы верыце. Скажыце, што Лука пачау выконваць праграму Пазняка.
0
вось / Адказаць
29.03.2014 / 18:33
ха! Калі шчэ пра гэта Пазьняк казаў!? Балта-Чарнаморскі калектар, калідор і што заўгодна - ад мора да мора! лукаботы - адно слова..
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру