Міхаіл Хадаркоўскі атрымаў від на жыхарства ў Швейцарыі, паведамляе ІТАР - ТАСС са спасылкай на Федэральнае ўпраўленне па справах міграцыі.
Дазвол быў выдадзены 27 сакавіка. Як заявілі ў ведамстве, экс-палітвязень абраў кантон Санкт-Гален, таму што там ужо пражываюць яго жонка і дзеці. Прадстаўнік упраўлення таксама выказаў меркаванне, што Хадаркоўскі выбраў гэты кантон для пражывання з-за «спрыяльнага рэжыму падаткаабкладання». Пра тое, што ён папрасіў від на жыхарства стала вядома ў сярэдзіне сакавіка.
Хадаркоўскі паляцеў у Еўропу адразу пасля вызвалення, у Швейцарыі ён знаходзіцца ўжо некалькі месяцаў. У пачатку студзеня яму выдалі шэнгенскую візу тэрмінам на тры месяцы, якая дазволіла яму пераехаць у Швейцарыю з Берліна. Ён заявіў, што не плануе вяртацца ў Расію, пакуль яму не гарантуюць магчымасць выехаць за мяжу.
Хадаркоўскі быў вызвалены з расійскай калоніі 20 снежня мінулага года пасля падпісання Уладзімірам Пуціным указа аб яго памілаванні. Ён правёў у зняволенні дзесяць гадоў. Суд прызнаў яго вінаватым па двух крымінальных справах.
