Следчыя органы праводзяць праверку па факце смерці супрацоўніка УУС Гродзенскага аблвыканкама. Пра гэта паведаміў афіцыйны прадстаўнік упраўлення Следчага камітэта па Гродзенскай вобласці Сяргей Шаршаневіч.
Праводзяцца апытанні сведак, судова-медыцынская экспертыза. Іншыя падрабязнасці не паведамляюцца.
Паводле звестак гродзенскіх інтэрнэт-рэсурсаў, 28 сакавіка падчас вучэнняў у ціры ў прысутнасці мясцовага і мінскага начальства афіцэр, атрымаўшы пісталет і патроны, выстраліў сабе ў галаву. Нібыта ён пакінуў перадсмяротную запіску, у якой прасіў нікога не вінаваціць у сваёй смерці.
0
0
0
0
0
0