На фоне сумнай прадказальнай кампаніі ў палатку аддушынай для грамадства, здаецца, сталі выбары кіраўніка Фронту. Ажыятаж вакол вынікаў снежаньскага курултая на Варвашені 8 штодня расце. Мяркую букмекеры хутка пачнуць прымаць стаўкі.

Менск. Будка букмекераў на праспекце. Каля яе стаяць трое мужыкоў і з зацікаўленасцю разглядаюць прапанаваныя канторай катыроўкі.

Першы: Ага! Івашкевіч – 1, 4. Значыць, калі я талкану кватэру, гараж і дачу я змагу паставіць энную колькасць тысяч бакінскіх, і атрымаць.... два плюс тры, чатыры ў памяці....энную суму бабоса. Ура! Гэта хопіць каб расплаціцца з даўгамі і нават памяняць дворнікі на машыне.

Другі: прабачце а пачуў вашы словы? Вы здаецца хацелі б паставіць на Івашкевіча?

Першы: так. У нас усе на падшыпніке ставяць на Івашкевіча. Гэта ж вярняк!

Трэці ( умешываючыся): Вярняк? Ха-ха. У мяне знаёмы па пад’езду. Ён любоўнік жонкі аднаго перца, брата-студэнта якога завербавалі. Дык вось калі ён апошні разам сустракаўся з куратарам з жоўтага дому, той казаў па сакрэту: ня ў якім разе не ставіць на Івашкевіча. У яго галяк з базай на з Магілёўшчыны і Віцебшчыны.

Другі: правільна! Стаўце на Вінцука. Гэта фаварыт! Слухайце сюды. Я былы выкладчык алгебры і пачатку аналізу з трэцяй школы. Дык вось ў адрозненні ад вас, аматараў, раблю стаўкі выходзячы з салідных навуковых матэматычных раскладаў. Вось паглядзіце я вывеў фактарыял даверу Вячоркі і графічна прадставіў яго у выглядзе парабалы. Вось гэта крывая – Вячорка, а гэта медыяна – Міхалевіч. Дык вось калі правесці бісектрысу....

Трэці: канчай свае мнагачлены, . Вячорка – фаварыт? Ха-х-ха-ха. Толькі Міхалевіч!. Я асабіста быў на адным з паседжанняў кальварыйскай Рады і зацаніў гэтага перспектыўнага нападаючага, хацеў сказаць палітыка. Дык вось: Міхалевіч гэта моц! У яго такі дрыблінг, я хацеў сказаць якасная праграма.

Першы: ня можа быць! Вось мой брат кажа, што...

Другі: правільна! Стаўце на Вінцука. Гэта фаварыт! Вось глядзіце: па тэарэме Юнга-Фермы я разлічыў інтэграл ягонай папулярнасці сярод маладых апазіцыянераў . Пусть p, q и r — Севярынец, Дашкевіч і Шыла. Причым...

Міма па праспекту едзе ўрадавы картэж. Нечакана ён прыпыняецца. Адтуль выхадзіць дзядзька з вусамі і падыходзіць да канторы і уважліва чытае. Трохі ашалелыя гэмблеры чуюць як ён шэпча сябе пад нос: “Ага! Івашкевіч – 1, 4. Значыць калі я прадам Беларускалій, АЗОТ і НАфтан я змагу паставіць энную колькасць бакінскіх і атрымаць... мільён плюс два мільёны, пяць лімонаў у памяці....атрымаць энную суму. Ура! Гэта хопіць каб расплаціцца з Газпромам і яшчэ застанецца на новую клюшку.

Садзіцца ў машыну і з’яджае. .

Хочаш падзяліцца важнай інфармацыяй ананімна і канфідэнцыйна?