Упраўленнем Следчага камітэта па Мінску заведзена крымінальная справа па факце дарожна-транспартнага здарэння з удзелам службовага аўтамабіля міліцыі УАЗ і легкавога «Хюндай».
У Мінску на скрыжаванні праспекта Ракасоўскага і вуліцы Пляханава 29 сакавіка каля 23.00 адбылося сутыкненне міліцэйскага УАЗа, які рухаўся з уключанымі спецыяльнымі светлавымі і гукавымі сігналамі, з аўтамашынай «Хюндай», якім кіравала 38-гадовая мінчанка. У выніку сутыкнення абодва аўтамабілі перакуліліся.
Жанчына-кіроўца з цяжкімі цялеснымі пашкоджаннямі была шпіталізавана ў бальніцу, дзе 31 сакавіка памерла.
У аварыі пацярпелі таксама дзяўчынка 2003 нараджэння і хлопчык 2007 нараджэння, якія знаходзіліся ў салоне легкавога аўтамабіля. Ім аказана медыцынская дапамога,дзеці выпісаныя з медустановы.
Правяодзяцца экспертызы.
