ЦВК Украіны зарэгістраваў 23 кандыдаты ў прэзідэнты. Выбары маюць адбыцца 25 мая. Сярод кандыдатаў ёсць абсалютна розныя людзі. Паводле сённяшняга курса, 1 грыўня роўная 854 рублі.
Аляксандр Кліменка
Хто: Кіраўнік Народнай партыі Украіны. Быў дэпутатам Вярхоўнай Рады мінулага склікання ад блоку «Наша Украіна»
Адкуль: Мар’інка, Данецкая вобласць
Узрост: 48
Даходы: 247,4 тысячы грыўняў за 2013 год
Даходы сям’і: 1 млн 074 тыс. 545 грн.
Што патрэбна ведаць: На Кліменку двойчы заводзілася крымінальныя справы. Першы раз за падробку дакументаў, у другі – за растрату бюджтных сродкаў у асабліва буйных памерах.
Анатоль Грыцэнка
Хто: Лідар партыі Грамадзянская пазіцыя, дэпутат Вярхоўнай Рады ад «Бацькаўшчыны», былы міністр абароны Украіны
Адкуль: вёска Багачоўка Чаркаскай вобласці
Узрост: 56
Даходы: 438 тысяч грыўняў
Даходы сям’і: 1,121 мільёнаў грыўняў
Што патрэбна ведаць: Празаходніх поглядаў, за ўступленне Украіны ў НАТО, але не цяпер. Жанаты з журналісткай Юліяй Маставой, галоўнай рэдактаркай папулярнай газеты «Дзеркало тижня».
Андрэй Грыненка
Хто: бізнэсмэн, дагэтуль у палітыцы сябе не праяўляў
Адкуль: Харкаў
Узрост: 44
Даходы: 5,5 мільёнаў грыўняў
Даходы сям’і: 4,5 мільёны грыўняў
Што патрэбна ведаць: Праграмы не мае. Кажа, што хоча данесці да людзей «праўду аб тым, што адбываецца ва Украіне». Федэралізацыю Украіны не падтрымлівае.
Вадзім Рабіновіч
Хто: прадпрымальнік, прэзідэнт Усеўкраінскага яўрэйскага кангрэса
Адкуль: Харкаў
Узрост: 60
Даходы: 1 мільён грыўняў
Даходы сям’і: 252 тысячы грыўняў
Што патрэбна ведаць: Займаўся гандлем газу з Расіі, за эканамічныя злачынствы на нейкі час пазбаўляўся ўкраінскага грамадзянства. Быў уладальнікам футбольнага клуба «Арсенал» (Кіеў).
Валерый Канавалюк
Хто: Генеральны дырэктар «Цэнтра антыкрызісных праграм», эканаміст
Адкуль: Данецк
Узрост: 47
Даходы: 55 тысяч грыўняў
Даходы сям’і: 107 тысяч грыўняў
Што патрэбна ведаць: Тройчы быў дэпутатам Вярхоўнай Рады, дзе «абараняў інтарэсы данецкіх», колішні член Партыі рэгіёнаў.
Васіль Куйбіда
Хто: Лідар Народнага руху Украіны, былы мэр Львова, былы міністр рэгіянальнага развіцця
Адкуль: Нарадзіўся ў Комі АССР у сям’і ўкраінцаў
Узрост: 55
Даходы: 229 тысяч грыўняў
Даходы сям’і: адсутнічаюць
Што патрэбна ведаць: Аўтар больш за 150 матэрыялаў па матэматыцы, эканоміцы, будаўніцтву, правазнаўству. Заслужаны юрыст Украіны, аўтар пяці паэтычных зборнікаў. Кавалер ордэна Яраслава Мудрага за значны ўнёсак у дзяржаўнае будаўніцтва.
Васіль Цушко
Хто: Былы старшыня Антыманапольнага камітэта Украіны, былы міністр эканомікі, былы міністр унутраных справаў
Адкуль: вёска Надрэчнае Адэскай вобласці
Узрост: 51
Даходы: 176 тысяч грыўняў
Даходы сям’і: 2,6 мільёна грыўняў
Што патрэбна ведаць: Нарадзіўся ў малдаўскамоўнай вёсцы. Быў сябрам Сацыялістычнай партыі Украіны, выступаў за ўвядзення падатку на багацце. Пры Януковічу ўзначальваў Антыманапольны камітэт.
Уладзімір Саранаў
Хто: бізнэсовец
Адкуль: вёска Клаўдзіева-Тарасава Кіеўскай вобласці
Узрост: 49
Даходы: 14 тысяч грыўняў. Пры гэтым летась ён набыў сабе яхту за 3 мільёны грыўняў і Mercedes S.
Даходы сям’і: 125 тысяч грыўняў
Што патрэбна ведаць: Малавядомы кандыдат абяцае аднавіць у краіне «абсалютную справядлівасць», а таксама ліквідаваць дэпутацкую недатыкальнасць.
Дзмітрый Яраш
Хто: Лідар «Правага сектара»
Адкуль: Днепрадзяржынск
Узрост: 42
Даходы: 0 (ва ўласнасці кватэра 46,4 квадратных метра, а таксама машына Skoda Octavia 2009).
Даходы сям’і: 0 (ва ўласнасці кватэра 53,9 квадратных метры, а таксама машына Opel Astra 2006).
Што патрэбна ведаць: Лідар украінскіх нацыяналістаў. Доўгі час узначальваў патрыятычную арганізацыю «Трызуб». Цяпер выступае як галоўная страшылка на расійскіх тэлеканалах.
Зоран Шкірак
Хто: Былы дэпутат Кіеўскай гарадской рады
Адкуль: Ужгарад
Узрост: 43
Даходы: 0 (валодае кватэрай, а таксама двума аўтамабілямі)
Даходы сям’і: 0
Што патрэбна ведаць: Актыўны ўдзельнік кіеўскага Еўрамайдану.
Міхаіл Добкін
Хто: Былы губернатар Харкаўскай вобласці
Адкуль: Харкаў
Узрост: 44
Даходы: 21 мільён грыўняў
Даходы сям’і: 18 мільёнаў грыўняў
Што патрэбна ведаць: Харызматычны губернатар Харкаўшчыны выступае за ўнітарнасць Украіны, але за наданне рускай мове статус дзяржаўнай. Кандыдат на выбарах ад Партыі рэгіёнаў. Вялікую славу ў інтэрнэце набыў з відэа перадвыбарчага выступу, дзе не мог звязаць некалькі словаў, а таксама ўжываў шматлікую колькасць матаў. «У цябе твар нецікавы, табе грошай не дадуць», — вучыў яго памочнік, які з часам здабудзе пасаду мэра Харкава.
Наталля Каралеўская
Хто: Былы міністр сацыяльнай палітыкі, лідар партыі «Украіна – наперад!»
Адкуль: Луганская вобласць
Узрост: 38
Даходы: 191 тысяча грыўняў
Даходы сям’і: 1 мільён грыўняў
Што патрэбна ведаць: У 2004 годзе падчас апытання Каралеўскую назвалі «Лідар сярэдняга бізнэса года». Займала высокае месца ў спісе самых уплывовых жанчын Украіны (у 2010 – пятнаццатае). Багацце Каралеўскай ацэньваецца 235 мільёнаў даляраў. Аднойчы яна сказала, што з нацыяналістамі ёй не па дарозе, свае палітычныя погляды ідэнтыфікуе як сацыял-дэмакратычныя.
Мікалай Маламуж
Хто: Былы кіраўнік Службы замежнай выведкі Украіны
Адкуль: Чаркаская вобласць
Узрост: 58
Даходы: 313 тысяч грыўняў
Даходы сям’і: 2,771 мільёна грыўняў (з іх 2,564 мільёна — гэта спадчына, што атрымала жонка Маламужа).
Што патрэбна ведаць: Быў кіраўніком выведкі пры Юшчанку, а пры Януковічу — пазаштатным дарадцам.
Алег Ляшко
Хто: Лідар Радыкальнай партыі, народны дэпутат
Адкуль: Чарнігаў
Узрост: 41
Даходы: 195 тысяч грыўняў
Даходы сям’і: 0
Што патрэбна ведаць: Доўгі час працаваў журналістам. Актыўны ўдзельнік Майдану. Адзін з нямногіх украінскіх палітыкаў, хто ў сакавіку сёлета прысутнічаў у Крыме. У сваіх палітычных мэтах называе разрыў дыпламатычных адносін з Расіяй.
Украінскі Жырыноўскі, але ліберальнага толку.
Алег Цягнібок
Хто: лідар Усеўкраінскага аб’яднання «Свабода»
Адкуль: Львоў
Узрост: 45
Даходы: 243 тысячы грыўняў
Даходы сям’і: 59 тысяч грыўняў
Што патрэбна ведаць: Да з’яўлення «Правага сектара» лічыўся самым радыкальным палітыкам Украіны. Выступае за забарону камуністычнай ідэалогіі. Па адукацыі — доктар. У Расіі на Цягнібока заведзеная крымінальная справа за дачыненне да «банды, якая ваявала за чачэнскіх сепаратыстаў». Быў сярод тых лідараў апазіцыі, што ўзначальвалі перамовы з Януковічам.
Алег Цароў
Хто: Народны дэпутат ад Партыі рэгіёнаў
Адкуль: Днепрапятроўск
Узрост: 43
Даходы: 234 тысячы грыўняў
Даходы сям’і: шэсць кватэраў, дом, пяць зямельных участкаў
Што патрэбна ведаць: Быў актыўны праціўнікам Майдану. Прапаноўваў Службе бяспекі Украіны зрабіць персонамі нон грата вялікую колькасць замежных грамадзян, якія, на ягоную думку, фінансавалі Майдан. 18 лютага ў самым пачатку штурму гучна заявіў, што «цягам гадзіны Майдан будзе зачышчаны».
Вольга Багамолец
Хто: Лекарка, актывістка Майдана, дачка вядомага ўкраінскага акадэміка
Адкуль: Кіеў
Узрост: 48
Даходы: 3,3 мільёна грыўняў
Даходы сям’і: 1,1 мільёна грыўняў
Што патрэбна ведаць: Актыўна дапамагала ўдзельнікам Майдану медыцынскай дапамогай, яе называлі «лідарам медычнай сотні». Адмовілася заняць пасаду віцэ-прэм’ера па гуманітарных пытаннях. Сама родам са старажытнага рода Аліфяровічаў-Багамольцаў, які паходзіць з Віцебшчыны. Вядомая не толькі як доктарка-дэрматолаг, а і як выканаўца ўкраінскіх рамансаў. У яе чацвёра дзяцей.
Пятро Парашэнка
Хто: Заснавальнік карпарацыі Roshen, народны дэпутат, былы міністр замежных справаў
Адкуль: Болград Адэскай вобласці
Узрост: 48
Даходы: 52 мільёны грыўняў
Даходы сям’і: 52 тысячы грыўняў
Што патрэбна ведаць: Адзін з найбагацейшых людзей Украіны. Па версіі часопіса Forbes, ён займае 5-ае месца сярод мільярдэраў краіны і валодае 1,8 мільярда даляраў. Першы капітал зарабіў на пастаўках какава-бабоў. З’яўляецца ўласнік тэлекампаніі «5 канал». Яго кандыдатуру на выбарах падтрымаў баксёр Віталь Клічко.
Пятро Сіманенка
Хто: Лідар Камуністычнай партыі Украіны
Адкуль: Данецк
Узрост: 61
Даходы: 314 тысяч грыўняў
Даходы сям’і: Маюць дзве кватэры
Што патрэбна ведаць: Ужо больш за 20 гадоў узначальвае ўкраінскіх камуністаў. Гэта ўжо чацвёртыя выбары, на якіх удзельнічае Сіманенка. У 1999 годзе заняў другое месца, за яго прагаласавала 37,8% выбарцаў. Выступае за нацыяналізацыю буйных прадпрыемстваў, а таксама за ўваходжанне Украіны ў Мытны саюз.
Рэнат Кузьмін
Хто: Былы першы намеснік генеральнага пракурора Украіны
Адкуль: Данецк
Узрост: 46
Даходы: 1,3 мільёна грыўняў (амаль 800 тысяч невядома адкуль)
Што патрэбна ведаць: Пад кіраўніцтвам Кузьміна былі накіраваныя ў суд справы Юліі Цімашэнкі, Юрыя Луцэнкі. Заводзіў крымінальную справу супраць былога прэзідэнта Леаніда Кучмы. Быў намеснікам славутага генпракурора Пшонкі, асабняк якога многіх здзівіў.
Сяргей Цігіпка
Хто: Народны дэпутат ад Партыі рэгіёнаў, былы віцэ-прэм’ер
Адкуль: Нарадзіўся ў Малдаўскай ССР
Узрост: 54
Даходы: 263 мільёны грыўняў
Даходы сям’і: 8,6 мільёна грыўняў
Што патрэбна ведаць: Па ацэнках часопіса Forbes, ягоны капітал складае 1,1 мільярда даляраў. Вядомы банкір. У 2004 узначальваў выбарчы штаб Віктара Януковіча. У 2010 самастойна ўдзельнічаў у выбарах, дзе заняў трэцяе месца з 13% галасоў, пазней падтрымаў Віктара Януковіча.
Юлія Цімашэнка
Хто: Былая прэм’ер-міністр, лідарка аб’яднання «Бацькаўшчына»
Адкуль: Днепрапятроўск
Узрост: 53
Даходы: 180 тысяч грыўняў
Што патрэбна ведаць: Даўно ў палітыцы. Была паплечніцай былога прэзідэнта Віктара Юшчанкі, прэм’ер-міністрам. У 2010 саступіла ў другім туры прэзідэнцкіх выбараў Віктару Януковічу. У жніўні 2011 арыштаваная па «газавай справе». Асуджаная на 7 гадоў турэмнага зняволення. Вызваленая пасля перамогі Майдана. Уваходзіць у ТОП-100 самых багатых украінцаў.
Юрый Бойка
Хто: Былы віцэ-прэм’ер
Адкуль: Горлаўка, Данецкая вобласць
Даходы: 400 тысяч грыўняў
Даходы сям’і: 17 мільёнаў грыўняў
Што патрэбна ведаць: Герой Украіны (за выдатныя дасягненні ў развіцці паліўна-энергетычнага комплексу Украіны). Ва ўрадзе Азарава выконваў абавязкі віцэ-прэм’ера.