06.04.2014 / 14:04

Нацбанк Польшчы ў красавіку ўводзіць у абарот новыя банкноты наміналам 10, 20, 50 і 100 злотых 1

Нацыянальны банк Польшчы ў красавіку ўводзіць у абарот новыя мадэрнізаваныя банкноты наміналам 10, 20, 50 і 100 злотых. Такое паведамленне размешчана на сайце Нацбанка Польшчы.

Выявы пярэдняга і адваротнага бакоў, колеравая гама і памер банкнот будуць ранейшымі, акрамя 100 злотых, якія, ў адрозненне ад купюр ўзору 1994 года, стануць на 3 мм вужэйшымі. Ахоўны комплекс новых польскіх злотых мае некаторыя адрозненні ад старых банкнот. Так, вадзяны знак размешчаны на незадрукаваным полі і, акрамя партрэта, маецца яшчэ і прасветлены вадзяны знак — лічбавае абазначэнне наміналу. На адваротным баку купюр з'явілася ірыдысцэнтная паласа, якая выяўляецца пры нахіле банкноты.

Старыя банкноты ўзору 1994 захоўваюць статус законнага плацёжнага сродку.

0
Аматар портэра / Адказаць
06.04.2014 / 16:55
Якiя адсталыя гэтыя палякi! Мы ужо дауно маём такую тэхналогiю.
Каб пакінуць каментар, калі ласка, актывуйце JavaScript у наладах свайго браўзеру