08.04.2014 / 18:07

Грэф: Расійская нацыянальная плацежная сістэма будзе канкурэнтаздольная з пункту гледжання тэхналогій 3

Фота Павел Смерцін 

Кіраўнік Ашчадбанка Герман Грэф лічыць, што новая расійская плацежная сістэма будзе канкурэнтаздольная з VISA і MasterCard з пункту гледжання тэхналогій, але не раскручанасці брэнда. Такое меркаванне ён выказаў журналістам.

«З пункту гледжання тэхналогіі — так, з пункту гледжання раскручанага брэнда — вядома, няма», — адзначыў Грэф. Ён нагадаў, што Visa і MasterCard маюць мільярды спажыўцоў ва ўсім свеце. Тым не менш кіраўнік Ашчадбанка выказаў упэўненасць, што расійская нацыянальная плацежная сістэма будзе развівацца.

Адказваючы на пытанне, колькі часу пойдзе на развіццё брэнда, Грэф адказаў, што «ўсё будзе залежаць ад тэмпаў развіцця».

Раней у аўторак у рамках круглага стала «Аб нацыянальнай плацежнай сістэме» (НПС) намеснік дырэктара дэпартамента НПС ЦБ Андрэй Шамрай адзначыў, што стварэнне нацыянальнай плацежнай сістэмы на базе некамерцыйнай арганізацыі больш пераважна, чым камерцыйнай.

«Бягучая некамерцыйная мадэль пераважней, чым мадэль камерцыйная, што не выключае, па аналогіі з Маскоўскай біржай, праз нейкі час выхаду на акцыянернае таварыства», — адзначыў Шамрай. Паводле яго слоў, міжнародныя плацёжныя сістэмы Visa і MasterCard камерцыялізаваліся параўнальна нядаўна.

Сутнасць паправак

Як раней паведамляла газета «Ведамасці» са спасылкай на тэкст водгуку на папраўкі да закона аб НПС, падпісанага першым намеснікам старшыні ЦБ Аляксеем Сіманоўскім, Банк Расіі прапаноўвае зрабіць аператарам НПС некамерцыйную арганізацыю, якую ён сам хоча ўстанавіць разам з банкамі і аплатнымі сістэмамі, у тым ліку замежнымі.

Стварэнне НПС, на думку Сіманоўскага, дазволіць знізіць залежнасць расійскага карткавага рынку ад міжнародных сістэм: нават перанос іх аперацыйных цэнтраў на тэрыторыю Расіі не адмяняе магчымага спынення абслугоўвання.

Законапраект аб НПС, падрыхтаваны камітэтам Думы па фінансавых рынках, стаў рэакцыяй на дзеянні Visa і MasterCard, якія ў канцы сакавіка заблакавалі карты банка «Расія « (ён трапіў пад санкцыі ЗША) і СМП-банка (пад санкцыі падпалі ўладальнікі 76% яго акцый Барыс і Аркадзь Ратэнбергі).

Па-за зонай доступу

Раніцай 21 сакавіка ў сувязі з увядзеннем ЗША санкцыяў у дачыненні да расійскіх бізнесменаў Visa і MasterCard абмежавалі чатыром расійскім банкам доступ да сваіх сэрвісаў. У чорны спіс Visa патрапілі чатыры банкі: адзін са структуры Кавальчука АБ «Расія», Сабінбанк, СМП-банк і Інвесткапіталбанк. MasterCard, у сваю чаргу, паведаміла пра блакаванне трох банкаў — АБ «Расія», Сабінбанка і СМП-банка.

Аднак ужо 23 сакавіка карты СМП-банк і Інвесткапіталбанк былі разблакаваныя.

0
gust / Адказаць
08.04.2014 / 19:58
Цiкава што расiйскага будзе у гэтай плацёжнай сiстэме ? Яны нават картку пластыкавую не вырабяць самi. Хаця не, будзе там расiйскi распiл грошай - высокатэхналагiчны распiл.
0
мясцовы2 / Адказаць
08.04.2014 / 20:51
чарговы ё-мабіль
0
о как! / Адказаць
08.04.2014 / 20:54
Га-га-га!Такой же конкурентно-способной,как русские вёдра с болтами,которые они по ошибке упрямо называют"автомобилями"???Так это..-счастливого пути!
Каб пакінуць каментар, калі ласка, актывуйце JavaScript у наладах свайго браўзеру