Каля дваццаці навучэнцаў пацярпелі ў выніку нападу невядомага ў адной са школ амерыканскага штата Пенсільванія на ўсходзе ЗША.
Інцыдэнт адбыўся ў навучальнай установе Franklin Regional High School ў прыгарадзе Піцбурга, паведамляе BBC. Паліцыя ўжо затрымала падазраванага. Паводле папярэдняй інфармацыі, ім аказаўся адзін з вучняў школы.
Нажавыя раненні рознай ступені цяжкасці атрымалі падлеткі ва ўзросце 14—17 гадоў. Як мінімум восем з іх быі параненыя ў тулава. Двое зняходзяцца ў цяжкім стане. Параненыя дастаўленыя ў бальніцу. Школа часова зачыненая, яе будынак аглядаецца паліцыяй.
На кадрах, паказаных па мясцовым тэлебачанні, відаць, як вучні школы сабраліся групамі каля будынку, а побач з імі стаяць машыны хуткай дапамогі.
Як паведамляецца, нападнік меў два нажы. Ён затрыманы і дапытваецца.
