У бліжэйшыя суткі, 12 красавіка, чакаецца пераменная воблачнасць. Па паўднёвай палове краіны ў асобных раёнах пройдуць невялікія ападкі, у асноўным у выглядзе дажджу. Уначы і раніцай у асобных раёнах краіны згусціцца слабы туман. Вецер паўднёва-ўсходні ўмераны.
Мінімальная тэмпература паветра ўначы будзе вагацца ад -3°C па паўночным усходзе да +4°C па паўднёвым захадзе краіны; днём паветра прагрэецца да +8.. +14°C. Атмасферны ціск будзе падаць.
13 красавіка, у нядзелю, ноччу краіна ў асноўным будзе знаходзіцца пад уплывам поля павышанага атмасфернага ціску, днём надвор'е абумовяць цёплыя няўстойлівыя паветраныя масы з Заходняй Еўропы.
Днём месцамі пройдуць кароткачасовыя дажджы. Ноччу і раніцай у асобных раёнах згусціцца туман. Вецер паўднёвы, паўднёва- заходні ўмераны. Тэмпература паветра ўначы складзе +2.. +7°C, днём слупкі тэрмометраў пакажуць +11.. +17°C.
14 красавіка, у панядзелак, праз тэрыторыю краіны чакаецца праходжанне франтальных раздзелаў з Балтыйскага мора. На большай частцы тэрыторыі краіны пройдуць кароткачасовыя дажджы. Вецер заходні, паўднёва-заходні ўмераны, днём парывісты.
Мінімальная тэмпература паветра ноччу складзе +2..+7°C, днём паветра прагрэецца да +9.. +14°C.
